ملتقى طلاب وطالبات جامعة الملك فيصل,جامعة الدمام - عرض مشاركة واحدة - تجمع المقبولين في مادة اللغه الانجليزيه [ المستوى الاول ]

zooz.al · 2012- 8- 7

اقتباس:

المشاركة الأصلية كتبت بواسطة reema0

انا بعد انقبلت الحمدالله والانجليزي وحابه هالتخصص ورغبتي انشاءالله اقدر اكمل ماستر وياليت احد يفيدنا بطريقه السداد وش الورقه اللي مطلوبه ارسلها مع الشهاده

مبروك
ان شاء الله يارب اهم شي نتعاون علشان نجيب الدرجات الحلووه ونكمل بره
طريقه السداد لحد الحين مافهمتها ! بس الاوراق المطلوبه شهادة الثانوي مع ورقه البريد
النموذج اللي يطلع لك . .!

اقتباس:

المشاركة الأصلية كتبت بواسطة Victory9

زوز لا الحلو ان التحضيري سنه والتخصص 3 سنوات يعني 4 سنوات كلهم
اي يا اختي اداره فيها رياضيات ومحاسبه ورياضيات 2 ومحاسبة 2
قدام اذا خلصنا نروح مع بعض << ؟؟

نونا لا تخافين ماراح نخليك وحدانية

ايوه لاحضت التخصص فقط 3 سنوات !
بس التحضيري موادهم كثيره 9 مواد ندرسها بسمستر
بس ان شاء الله مافي خووف لانه صديقتي الان مستوى خامس ومعدلها حلوو ماشاء الله
وتقول الدراسه مره بسيطه
اي والله تصدقين انا كنت مسجله بداية اداره اعمال بعدين كنسلت القبول وسجلت لغه الانجليزيه ولماتصفحت المواد جتني خرعه
مااطيق شي اسمه رياضيات ومحاسبه مواد ثقيلة دم
واحنا هدفنا نجيب معدل قلت وشو له اني ادرس بفلوسي ومااجيب معدل حلو بعدين !
يلا ان شاء الله بريطانيا

اقتباس:

المشاركة الأصلية كتبت بواسطة الحان النسيم

هلا فيكم .. انا بعد انجليزي والحمدلله انقبلت
طبعاً مو شاطره كلش بالانجليزي بس لان اصبح
شي مهم بالحياه وله مستقبل ومجالات كثيره
وان شاء الله نتوفق فيه يااارب
منوووورين

مبروك
لا احنا بندرس من البدايه ان شاء الله راح نمشي فيه وانا مثلك لغتي مره متوسطه بس لما درست بمعهد كم ماده انجليزي كنت اجيب درجات حلوه
اي والله انا الحين من اقدم على شغل قالوا لي لازم تعرفين لغه انجليزيه