ملتقى طلاب وطالبات جامعة الملك فيصل,جامعة الدمام - عرض مشاركة واحدة - جميع التخصصات || تجهيـزآت الجــامعه ../ تجمَع خاص بالأنيقـات

نسيم الجوري · 2012- 8- 8

اقتباس:

المشاركة الأصلية كتبت بواسطة نسيم الجوري

ما شاء الله ردود البنات مرة حلوة و الشكر موصول لصاحبة الموضوع

أنا طالعة سنة ثانية و بقولكم أكثر الأخطاء المتكرره بستايلات البنات

(اللخبطة) يعني ما فيه تنسيق

مثلاً اللي لابسة تنورة سكيني و بلوزة مخططة و كارديقان مشجر و شال مورّد<-- وش تحس فيه

أو بلوزة فسفورية خضراء و جزمة فسفورية حمراء <-- ما اكثرهم

أو بنت بشرتها سمرآء جداً و تصبغ شعرها أشقر ثلجي

و أما الميك أب بتلاحظون ببداية السنة لأنهم البنات متحمسين بيكون أووووووووووووووووفر

بعدين شوي شوي يخف و بآخر السنة يبقى بس كحله و روج

بقولكم شي مهم ع ـالميك أب ..
بما إنو كريم الأساس من أعدائي اللدودين <--

بحذِّركم منه

يعني و الله حرام تشوفين بنت وش زينها بداية السنة و بشرتها حلوة و بعد اسبوعين تطلع لها بثور و حبوب و تخترب بشرتها

و كله لأنها تكثر كريم الأساس ؛ دوام كامل مو قليل,,

من تتجهز الصباح لما تشيله الظهر أو العصر .. يعني يظل على بشرتها كم ساعه هذا غير إذا بتنام به في الطريق أعظم و أعظم ..
نصيحة لوجه الله خففوا كريم الأساس رفقاً ببشرتكم

و بعد بالنسبة للأظافر محد ذكرها ,, أهم شي تكون نظيفة و مرتبة ,, سواءً لليدين أو القدمين

و إذا كنتي حاطة منيكير و تقشر منه شوي شيليه كله و مو تتركين ظفرك نصه بمنيكير و نص بدون

و ننتظركم بالكلية و تصيرون أكشخ شي و أحسن شي و أشطر شي قولوا آمين

’’إي صح نسيت أقولكم شي عن السرقات اللي بالكلية
من زود الشطارة أكثر شي ينسرق الكتب المخططة و الملخصات
و ما ننسى العبايات

تصدقون ذاك اليوم تركت لاب توبي على الأرض ساعتين ونص و لا انسرق الحمد لله ,, بس اتركي كتاب مخطط ربع ساعة ما تشوفين حتى غبرته

انتبهوا لأغراضكم و لا تأملون باللوكرات .. صار لنا سنة كاملة ما في ولا واحد فاضي ’’