|
بعيدا عن كل المشاكل وامور التسجيل والخ .. انتي ك طالبه جامعيه وش تتمنين يكون في جامعتك ؟
السلام عليكم ورحمة الله وبركاته
بعيد عن مشكلات الطالبات سواء بالتسجيل او بإي شي
حبيت يكون موضوعنا اليوم مختلف شوي  
كثير منا نحلم اننا نكون في جامعة مميزه تكون فيها كل الاحتياجات الخاصه الي تساعد اننا نطلق عليها [ مسمى جامعه ]
للأسف كلياتنا ف الحفر تفتقد الى كل شيء تحتاجه الطالبه للترويح عن النفس من المحاضرات والخ
الحين انا ك طالبه جامعيه .. خلصت محاضرتي وين اروح وين اجلس ؟
هل فيه اماكن نظيفه ومكيفه في هالحر الحارق .. هل فيه كيفتيريات مختلفه عشان تخفف زحمه الطالبات على مكان واحد ؟
هل المكان يتسع لجميع الطالبات ؟
هل المكان مهيء للجلوس فيه والاحتماء فيه صيفا وشتاءا  للأسف لا
احنا في اغنى دوله بالعالم ... نطالب بحق من حقوقنا ك بشر 
نبي نجلس بإماكن مريحه ... ابي يكون فيه فروع لكوفيهات عالميه جوا الجامعه مثل ماهو حاصل في كل الجامعات ..
ليش نتكلم عن جامعاات الاجانب وتطورها .. مانروح بعيد نشوف جامعة نورة !!
فيها حتى المطاعم العالميه والوجبات السريعه موجوده ...
الجامعه كلها مليانه ثيل تخلي الشخص يدخلها وهو مرتاح نفسيا من الخضار الي يشوفه
حنا ماطالبنا بشي مستحيل او حاجه صعبه
بالنهايه احنا [ اغنى دوله بالعالم وليفهم الجميع قصدي ]
بناء جامعه متكامله لكافة التخصصات والكليات وبمكان واحد وبنيه تحتيه جيده وتصميم رائع ومكان واسع وشرح مايكلف الدوله ولا جزء من اجزاء الميزانيه 
بالنهايه اتمنى مو بس انا الي شاركت معكم بحلمي .. ابي كل وحده ترد وتكتب وش ودها وحلمها يكون بالجامعه
لعل وعسى تتحقق امانينا
|