يا " قبله العشق " ياورد الشذا و الرحيق
................................ يا فخر أبوها الشجاع , وعزوة أخوانها

لو باعدتنا الاراضي / والمدن / والطريق
................................ تراك فـ عيوني الثنتين .. وأجفانهــا

لو سولف الحب .. عن سر الغرام العميق ؟
................................ عرفتي كيف المحبّه .. يصعب إعلانها !

فــ إلى لمحتي بعيوني ياضناها . بريق ؟
................................ هذي ( دموع الوفا ) .. تحتال سجّانها ,

لا والذي شرّف البيت الحرام العتيق !
................................ ما خلقت اللي تساوي روحك وشانها !!

قلبي حصونه غلا ! وعيونك " المنجنيق " ,
................................ هديتي أسوار روحي , وكل بيبانها !

" أنيقه الذوق " ما تستاهل الا أنيق !
................................ يفهم تعابيرها .. ويعزّ سلطانـها ,

وأنتي خلاصه حلا / مرجان / ولول / وعتيق !
................................ يموت فيها "الدلع" .. ويبات بـ أحضانها ,

.
.


لبى معاليق صدرك كل ما أغفى وأفيق !
................................ يامن يذووب الكلام فـ نطق لسانها

أروح فيها !! مع" الصوت الابح " الرقيق !
................................ ياكبر ذنب الشفاه ؟ .. وكبر شيطانها ,

يا أغلى من الدمعه إلي فـ عيون الرفيق !
................................ وأقرب من الدم , فعروقي .. وشريانها ,

(أنا) سبحت البحر .. وإن مت ؟ موتت غريق !
............................... فـ / (أنا) شهيد العيون السود,وأجفانها ...