|
رد: ممكن تسآعدوني في المواد ، قبل لآ أنفصل :( .. إنذآآآآر أخييييييير
اخوي انت سويت غلط كبير
لانك كنت ترسب مثلاً بماده محاسبه 1 بعدين تخليها بعد ما رسبت فيها مرتين ورحت ع اساسيات المحاسبه الإداريه يعني ما يصير تآخذها لانك لازم تفهم 1 ثم 2 ثم تآخذ اساسيات المحاسبه الاداريه يعني اختيارك كان اكبر غلط واكيد راح ترسب فيها ولو اخذتها مره ثانيه بعد بترسب فيها لانك لااااااااااااااااااااازم تخلص محاسبه 1 و2 قبل
ترى دكتور الرياضيات والمحاسبه المصريين د/اسامه ود/ علاء من أكفأ المدرسين اللي درسونا واللحين نتمنى احد يفهمنا مثلهم كنا ندش الامتحان واحنا فاهمين مو ع البركه ياحمرا ياخضرا
اعتقد انت كنت مهمل جداً وماكنت تشوف المحاضرات يعني انت ظلمت موادك
طيب الحل واحد من اثنين:
1/ انك اذا انتا شايف انك ما تقدر تكمل بهالتخصص علشان الرياضيات والمحاسبه والاحصاء فوقف وشوف تخصص ثاني انجليزي/ علم اجتماع /تربيه خاصه (ممكن تصير اخصائي اذا درست سنتين بعد البكالريوس تخصص جبار ومهم لا تستهين فيه يجي بالمرتبه الثانيه بعد اداره الاعمال وفيه مسارات كثيييييييييييره تختار حسب قدرتك تحملك سمعيه عقليه .........الخ
او
2/ انك تآخذ المواد اللي رسبت فيها مثل محاسبه والقانون ماده التسويق او الموارد البشريه وتأخذ معاهم مادتين سهلات مثل فقه السيره و مهارات البحث والتفكير
بكذا بتكون المواد اللي رسبت فيها اعاده يعني بترجع تذاكر شي انت مذاكره قبل بس قبل كان بإهمال اللحين تعقد النيه انك تلتزم وتتابع المحاضرات خصوصا للمحاسبه والتسويق واداره الموارد البشريه
حط ببالك النجاح وتجاوز هالمرحله علشان تكون انسان ناجح ...وبكفاءه
ثق تماماً اذا تميزت بجامعتك راح تتميز بشغلك هذه اداره اعمال يعني كل شي تدرسه تمارسه مو تاريخ وجغرافيا احفظ وابلع معلومات وبس
[frame="10 98"]علشان كذه اقعد مع نفسك يوم وجيب قلم +ورقتين واقسم كل ورقه نصين بالقلم واحده للادراه الاعمال وورقه للتخصص تربيه خاصه مثلاً ..
واكتب فيها اذااستمريت بهالتخصص شنو المييزات هل بقدر ولا لاء شنو الصعوبات اقدر اتخطاها ولا لاء ؟؟
اقدر اضغط ع نفسي واتابع المحاضرات اتابع والخص واتابع المنتدى واللي مافهمته اجي واسأل الطلبه او اعيد المحاضره مره و2 و3 هل انا قادر ابدأ من جديد ؟؟
هل ممكن آخذ ماجستير.. ؟؟ واصير بالمستقبل دكتور في اداره الاعمال << يارب كلنا نوصل للدكتوراه
لو درست تربيه خاصه مسار اعاقه سمعيه مثلاً شنو بستفيد اتجاهي وين بيكون هل بقدر ولا لاء عندي ارده اني اتعلم لغه الاشاره وادرسها شنو عيوبه وشنو مميزات تخصصي وين ولوين ممكن اتجه (ممكن تعمل حلقات ع اليوتيوب +انك تدرس بمدارس خاصه وحكوميه ممكن تاخذ سنيتن فو ال4 سنين وتصير اخصائي )
شوف وقارن واتوكل ع الله ثم اعزم ع اخترته بكل راحه اتأكد وش تبي وشلون راح تقدر توصله
ولا تقول بحاول اختار انك ياتتعلم صح يا لاء وقول بعيش حياتي وبعدين بآكل هوى  [/frame]
انا آسفه كنت قاسيه عليك شوي بس صدقني لمصلحتك اختك واكبر منك ولازم تتحملني 
ويلا اختار وانا بساعدك انا والاخوان وراح نكون لك اكثر من اخوانك وخواتك بنوقف جمبك مهما كان خيارك انتا غلطتك اختيارك للمواد بس اللحين خلاص هذا الوقت راح اللحين قارن وشوف واختار وتوكل ع الله
موفق يااااااااااارب
|