المشاركة الأصلية كتبت بواسطة dooodooo

وعليكم السلام والرحمة

الروحة والرجعة في الوقت الحالي ما أنصح فيها
لأن الباصات أو السيارات الخاصة تعب
والقطار صاير يتعطل كثير ومواعيده مو مضبوطة
بس ترى تمشي حال إلي عندها صبر وقوة تحمل



مثل ما قالوا لك الخوات ما في سكن مثالي
أنا جربت سكن الأمل سمستر واحد وبعدها رحت لتدابير
سكن الأمل مثل ما قالت الاخت
بس رأيي ... ما ارتحت فيه
راح أتكلم عن تجربتي في تدابير
الطباعة والتصوير وطلبات المكتبة في ورقة تعطينها المشرفة مع المبلغ ويوفرونها لك
اي في نت
البقالة كانت متوفرة داخل السكن وفيها الأشياء إلي يرغبون فيها البنات كثير
بس لو تبغين تطلبين من البقالة الي خارج السكن أو المطعم في أي وقت إلى الساعة 10 ونص بالليل
المشرفات 24 ساعة
كانوا 3مشرفات كل مشرفة 8 ساعات
وبعدها صاروا مشرفتين وحدة من الصباح إلى بعد الظهر والثانية باقي الوقت

اي موجودة بس ( مكوا - مواعين ) لا .. الله يعينك تاخذينها معك
أو اذا كنتوا قروب تتفقوا وتتعاونوا
النقل من وإلى الجامعة كل ساعة
ومحطة القطار على أوقات الرحلات ( الذهاب والعودة )
أما الرسوم فهي ضمن المبلغ المحدد
بالنسبة للرسوم حالياً
الأحادي 9000
الثنائي 5000
الثلاثي 3650
طبعاً كل شقة فيها غرفتين ودورة مياه ومطبخ نص مفتوح عالصالة
طلعة أسبوعية إلى الأحساء مول
ما أمدح السكن بس بالنسبة لي ما أشوف عيب
بس البنات يذمون أسعاره .. شوي مبالغ فيها


الحلو في السكن والي يمكن يخليه مميز عن الاسكانات الثانية انتظامه في مواعيده



إذا عندك استفسار في شي معين أنا جاهزة