ياصبح ياللي ممتلي بدمع الاهداب..
اشوف ضيِّك يختفي خلف غيمه..
هو ليه دمعك داخل الروح ينساب؟
أروى جروحـ(ن) /مبطياتـ(ن) قديمه...
ياصبح والله داخلي شخص مرتاب
طال انتظاره والثــــواني تضيمه..
لي صاحبـ(ن) من غاب /معه الفرح غاب
راح وتركني فـ المواجع مقيمه..
خذاه منِّي وقت..ياخذ ولاجاب
واهدي لـ قلبي طعنتـ(ن) في صميمه...
مدري من المخطي..أو ويش الاسباب!
لكني ادري ..صدمتي به عظيمه..
لوقلت بنسى صاح بي القلب"كذاب"
حتى غدى النسيان عندي جريمه..
المشكله قلبي يحبه..ولاتاب..
لو كان باسبابه..تزايد عتيمه..
ياليتني ياوقت حاسب انا حساب
ال غيبته..قبل.. آتولَّع ..واهيمه..
ماعاد يسوى هالعمر..حفنة تراب..
اعيش لكن.."دون معنى وقيمه"..
ماغير زود هموم/ وجروح /واتعاب
وذنوب تملا هالقلوب اليتيمــــه!!...
والحين برحل..مابقى كلمة عتاب
هي تجربة..واليوم..صارت قديمه...
ابعتبر مامر ..صفحه من كتاب
ومنها عرفت الحب..(اكبر جريمه)...