ملتقى طلاب وطالبات جامعة الملك فيصل,جامعة الدمام - عرض مشاركة واحدة - جميع التخصصات سؤال لكل منتظمه في كلية الاداب من مستجده

c!nema · 2012- 8- 11

-

انا كنت متخصصه جغرافيا بس الحمدلله طلبت تحويل لمكتبات وانقبلت يعني هالترم انا مكتبات
بالنسبه للاقسام ترا مو العبره بكثره الاقسام العبره بحلاتها ..
شوفي التربيه اللي بيموتون عليها البنات تراها كلها قسمين ..

وكل قسم يختلف عن الثاني مكتبات وعلم اجتماع ماتصيرين معلمه !
ممكن اخصائيه اجتماعيه اذا دخلتي علم اجتماع
ممكن بمدرسه بس حق شؤون الطالبات وكذا ..

والمكتبات ممكن بشركات او بنوك اوووو لان دراسته كلا عن الحاسب وو هالاشياءات
وقريبا قريبا بيفتحون قسم اعلام

بالنسبه لاسألتك ..

اقتباس:

رقم الجامعي يختص في المكافأه فقط او له استخدمات ثانيه .!

لا ي عزيزتي مو بس حق المكافأه ..
انتي بتحتاجينه عشان تدخلين به الاختبار
لان ثلاثه ارباع الاختبارات اذا مو كلهم لازم تكتبين رقمك الجاامعي على الورقه
لان الدكاتره مايتعاملون بالاسم .. يتعاملون برقم الجامعي او الرقم التسلسلي حقك بالقاعه ..
ورقمك الجامعي تدخلين به البيبل سوفت [ الموقع حق الجامعه ] .. وتسوين جدولك وتشوفين نتيجتك واغلب شغلك لازم برقمك الجامعي ..

اقتباس:

التنوره اي لون ....او في اللوان محدده
والحد الي وين ميدي او طويل

البلايز < مدري اسمها كذا ولا
يكون لا وين نص كم ولا كامل

التنوره اسسود او كحلي ..
عادي ميدي بس ميدي يكون مايل للطويل ...
مثلا ميدي على بنت سيقانها ماشاءالله طويله غير ميدي على بنت قصيره

البلايز عاادي اي لون وعادي فيهم رسمات وعادي اللي تبين بس المهم ماتكون لاشفافه
ولا عااريه .. وحدك نص كم ... اذا كنتي نحيفه بعض الاحيان يسمحون بالجبنيز اللي هو الربع كم

برب وراجعه