إلا وش اخبار الوالدة ؟
طمّنا عليها عساها طييبة عقب العملية ؟
الله يخليها لكم و يشفيها و يآجرها ويمتّعها بنظرها بحول الله وقوته ,
قدامها العافية و ماتشوف شر .

ب النسبة لجامعة الإمام :
إنتم طلاب مقبلين على الدراسة و لسى ما جربتو الدراسة لا هنا و لا هناك ,
ف الموضوع صعب بالنسبة لكم و مقدّرين حيرتكم , لكن من باب المقارنة و من الافضل
و مميزات و عيوب الجامعتين هذي يطول الحديث فيها لان كل شخص له نظرة في كل جامعة
, وكل شخص ما جرب الجامعتين سوا ! , وكل شخص مستواه التعليمي غير عن الآخر !
في ناس يحفظون و يسهل عليهم الحفظ اكثر من الفهم ماشاء الله هذولا تنفع لهم الإمام
وفيه ناس مثلي الحفظ عندهم زيرو للأسف ! لكن الفهم و المواد العلمية ماشيين فيها الحمدلله
ف تنفع لهم جامعة فيصل ..مو لأنها علمية بحته !! لا لأن مواد الحفظ قليلة فيها ..

والشي الحلو بجامعة فيصل غير (درجات الأعمال الفصلية 30 - وإختباراتها 70 درجة ل 70 سؤال - ومراكز الاختبارات اللي متوفرة في كل مكان !)
إن عدد ساعات موادها كثيرة!

يعني قلّما تجد مواد ساعاتها 2 - 1 و الأغلب عندنا 3 !
على عكس جامعة الإمام عدد ساعاتها متنوعة ب التساوي تقريبًا 1 - 2 - 3 !

بشكل أوضح -
شفت لك مواد الإمام من المستوى1 ل 6 : عدد موادها 43 - ساعاتها 102 ,
و مواد جامعة فيصل من المستوى1 ل 6 : عدد موادها 35 - ساعاتها 99 !
أعتقد الفرق واضح !

هذا غير الدورة التأهيلية , و بتقولي ترم صيفي مو على كُلِ بتنزل لك المواد اللي انت تبغاها!

انا ما أعجّز الموضوع بس لازم الشخص قبل يخطو أي خطوة يتأكد من جميع النواحي ,
و يتأنّى بالإختيار , يسأل كثير , و يبحث كثير , هذي 5 سنوات و بتتعب و تشقى فيها و تحدد لك مستقبلك
ماهي دورة كم شهر و خلصنا !

أولاً و أخيرًا لا انا و لا إنت و لا غيرنا اللي يحدد إختيارنا , اللي فيه الخير و الله بيكتبه لنا بيصير
ماعليك إلا تستخير و تعيّن من الله خير , وإن شاء الله بتوصل للي يسرّك و يرضيك .

وترا جامعتنا كلها ملللح خل عنكم بس
ياشيخ لو مايجي منها إلا هالملتقى اللي ضافّنا ومحسسنا إننا صدق بجامعة و كذا < ماتعرف تعبر
وفيه ترم ثاني يمديكم عليها , الأيام تركض ما تدرون إلا و شهر 3 مقبل علينا وبادي التسجيل!