2012- 8- 17
|
|
أكـاديـمـي
|
|
|
|
تجربتي في التقديم من أ الى ي ~
-
السلام عليكم ,
كيفكم ؟! ان شالله انكم بخير ,
ممم , شفت نفسي فاضيه قلت اهذر عليكم شوي يمكن افيدكم ب حاجه ولا حاجه ,
-
انا موزونتي 89 ونص , متخرجه من 2011 , جلست ب البيت عشان اقوّي الانجلش عندي -والحمدلله- وصلت ل اللي انا ابغاه الا شوي :p ..
كنت حاطه ب بالي اني ما راح ادخل لا جامعة فيصل ولا جامعة الدمام لانو كان عندي فوبيا منهم ب شكل مش طبيعي !! ف من قبل ما اتخرج وانا حاطه ب بالي ادرس ب الغد ~
هالسنه يوم جيت اقدم -فرع الدمام- الله لا يوريكم !!
طبعاً اللي قدموا اول يوم من يوم ما فتح التسجيل فاهمين شعوري , وعارفين ايش سار من قلة حيا من بعض الاوادم , وإستهتار من الموظفات , وفوضى وعدم ترتيب ~
اعطيتهم اوراقي , وحددت معاي المقابله يوم الاثنين < طبعا اللي فهمته انهم يوزعون البنات على الاثنين والثلاثاء والاربعاءء ل المقابله ب شكل -عشوائي- !!
جا يوم الاثنين ورحت المقابله ونادوا ب الاسماء وكان فيه ارقام وترتيب ونظام اكثر من اول يوم , وكانوا الموظفات جداً متعاونات < اللي استغربته انهم نفسهم !!
وماطلوا فينا شهر , وخلال هالشهر رحت اكثر من 4 مرات عشان اشيّك واشوف طلعت النتايج ولا لا , واللي خوّفني اكثر اني غلطت الغلطة اللي اغلب البنات غلطوها ! اني اعتمدت ع هالكليه اعتماد كُلللللللللللليييي ما قدمت ب ولا جامعه لا هنا ولا برى الشرقيه , والمصيبه الاعظم انه التسجيل قفل ب كل الجامعات !!
لكن في تاريخ 20 رمضان ب الضبط وكان يوم اربعاء , قررت اني اروح لهم واشوف ايش سالفتهم ؟! الى متى ؟!
ادق عليهم ما يردون ,
المنتدى ما فيه اي اخبار جديده , ب العكس كل الناس ضايعه مثلي ,
يوم الجمعه دخلت المنتدى ب الليل وقريت انو بنات ارسلوا لهم مسجات , وانا ما جاني شي ! < طبعاً ما كنت ادري انو فيه اكثر من دفعه فكرتها دفعه وحده ! , ف انا استغربت !!! لاني مستوفيه ل الشروط وزيادده بعد !! درجاتي مرا كويسا !!
يوم السبت رحت , وسمعت السيكورتيه تنادي ع البنات اللي ارسلوا لهم مسجات , قلت ب انتظر لين ما تخلص واسألها اسمي موجود او لا , يوم خلصت قلت لها شيكي على اسمي قالت ايوا موجود < هذا برضو شي ثاني يدل على استهتار الموظفات واللعب اللي هم يسوونه !!
اعطوني استماره قالوا عبيها واكتبي اسمك من ورى ب الانجلش , يوم خلصت وجلسنا ننتظر ننتظر وننتظر , بعديييين طلعت المحاسبه قالت معليش السيستم عطلان شوي , انتظروا نص ساعه , وننتظر نص ساعه زياده , بعدين طلعت المحاسبه قالت خلاص تعالوا بكرا سلموا الشهادات مع الفلوس بس الحين اعطونا استماراتكم < توقعت السيستم ما اشتغل !
قلت معليه نجي بكرا , جيت اليوم الثاني وبرضو زحمه وقرف والناس فوق بعضها < هذا غير المكيفات العطلانه , المهم يوم جينا ندخل ع المحاسبه عشان ندفع العربون , لاحظت انو مافيه كمبيوتر تستعمله , او لاب , او ححتى جوال !!
يعني سيستم ايش اللي كان عطلان ؟! ولا سيستمك انتي اللي عطلان ولا ايش ب الضبط ؟!
ما علينا ~
لما سالتني ايش التخصص اللي تبغينه قلت طب طوارئ , قالت مقفل < طبعا صدمتي كانت فوق ما تتصورون لاني ما ضيعت سنه من عمري اقوّي لغتي الا عشان هالتخصص !!
قلت طيب ادارة صحيه < انا مجهزه البديل من قبل , قالت احتمال نقفله < برضو صدمتني اكثر لانو ما بقي خيارات مقبوله قدامي !!
قلت فاجأتيني صراحه ! قالت بسرعه حبيبتي ما فيه وقت , ايش يعني مافيه وقت !! المشكله ماما ما كانت معاي , ولا يمديني اكلمها عشان حضرتها ما عندها وقت !!
توكلت على الله واخترت مختبرات ,
انا ادري انو اختيار مبدئي يعني فيه تحضيري قبل وكذ1 , بس ليه ما قالولنا قبل !!
ليه ما صرحّوا ب هالشي وقالوا انو طب طوارئ واداره صحيه مقفلين ؟!
يعني حرام كذا اصبر سنه وبالاخير ما الاقي اللي ابغاه ؟!
طيب حدّثوا ب موقعكم اللي من الفين وحطبه !
ما تدخلون عليه ولا تشيّكون !
ادارة سيئه جداً , ولو كانت ادارة الكليه كويسه ما كان شفنا هالاستهتار من الموظفات ~
عموما هذي تجربتي , اتمنى تستفيدون منها , ادري اني مرا متأخره بس ما يمنع اني اشارككم فيها ,
واللي ابغى اقوله لكم خصوصاً ياللي مقدمين ع المنح او الصندوق , لا تعتمدووووووون علييييييهم !! ابدا ابدا ابدا !! انتي روحي ب نفسك ل الكليه واسالي , وشوفي , وتأأأكدي !! ولو توصل تروحين ل الرياض عشان تاخذين استثناء , لا تقولين ب ادق ولا انتظر !!
ترى والله محد ب يخاف على مستقبلك كثرك , تتعبين شوي بس ب الاخير يرتاح بالك ولا تجلسين تنتظرين وقلقانه طول الوقت !
آسفه ع الإطاله
لكم ~
|