المشاركة الأصلية كتبت بواسطة خالدعبدالعزيز

اهلين نوره ومساء الخير
كل عام وانت بخير وسعاده والله يعيده علينا وعليك بكل سعاده وسرور
موضوعك جميل وحلو جدا
وكل واحد لازم له ذكريات حلوه مع العيد وخصوصا اللي اعمارهم من 30 وفوق
لان العيد في الماضي القريب كان احلى من الان بالنسبه للاطفال كان فيه حركه ونشاط
ولعب بالشارع والحاره وزياره للجيران وكانت وقتها الناس كلها حركه ويطلعون عيد بالشارع كل بيت يطلع عيد يعني اكل وطبخ ورغم البساطه في اللبس وعدم التكلف في المضاهر الا انها جميله ذيك الايام
اما العيد الان فتغير كل شي اصبح لكل عائله خصوصيتها استراحه او سفر ولا تشوف احد من الجيران وحتى الصغار ماتشوفهم الا وهم يركبون سياراتهم رايحين ولا رادين
علشان كذا دايما الماضي اجمل واحلى

المشاركة الأصلية كتبت بواسطة خالدعبدالعزيز

الا ليت الزمن يرجع .. ورى والا الليالي تدور
ويرجع وقتنا لـول .. وننعـم فـي بساطتنـا
زمان اول احس أنه .. زمان فيه صدق شعور
نحـب ونخلـص النيـة .. وتجمعنـا محبتنـا
زمان مافيه لا غيبه .. ولا حتى نفـاق وزور
ياليته بس لو يرجـع .. ونسترجـع طفولتنـا
صغار قلوبنا بيضا .. نعيش بعالـم محصـور
ولا نعرف أبد أغراب .. ماغير عيـال حارتنـا
صحيح صغار بالتفكير .. لكن ماعلينا قصـور
نخطط نكسـر اللعبـة .. وتسعدنـا شقاوتنـا
نروح المدرسه بدري .. ونضحك داخل الطابور
نحاول نزعج العالم .. فـي روحتنـا وجيتنـا
وعشان نأخر الحصة .. نخبي علبة الطبشـور
نشاغـب بـس فالأخـر .. تميزنـا برائتنـا
نحب الضحك والهيصه .. نحب النط فوق السور
نفرفش ليه ما نفرفش .. مادام الضحك عادتنا
ولكن دارة الأيام .. وبـان الخافـي المستـور
وصار الهم متعلـي .. علـى قمـة سعادتنـا
كبرنا وصارت الدنيا .. تصف أحزاننـا بالـدور
وتهدينا الألم والهم .. غصب عن عين رغبتنـا
تعبنا من بلاوينا .. أحد ضيق واحـد مقهـور
وكـل غـااااارق بهمـه .. وفالأخـر تشتتنـا
وانا ماقول غير إلا .. ياليت أن الزمان يـدور
ويرجع للورى فتره .. نعـدل وضـع عيشتنـا

المشاركة الأصلية كتبت بواسطة زرقة السماء

المشاركة الأصلية كتبت بواسطة دعـانـي الشوق

ف الماضي العيد جميل
وف الحاضر يعني

وف المستقبل ان شاء الله يتحسن وضعنا وتتغير حالنا لأن العاالم كلها ماعادت نفسياتها نفس أول