|
رد: أأأأأأأأحلى ذكرياااااااات ااااالعيد
يعيده علينا بالخير يانورة
وربي ذكرتيني بايام زمان في ارض طيبه الطيبه وربي العيــــــــد في المدينة زمان كان غير تذكرت يوم صارت
الفساتين المنفوشة موضة هذيك الايام البمبي والابيض ومعها القبعة مسوين برنسيسات 
طبعا انا واختي ستي الله يرحمها ستي = ام امي اشترت لنا من هديك الفساتين طبعا سيدي الله يرحمه
صار وهو جاي من الحرم بعد صلاة العيد يطل عالبنات وهم لابسين الفساتين المنفوشة ويقول
هدوله البنات ايش اللي جابرهم يلبسوا حوايج اتقل من وزنهم شوية بيطيحوا طبعا هو يتريق على بنات
الناس 
والا لمالا وصل عند باب البيت لقينا انا واختي جايين من الحرم مع ستي لان زمان الناس كانت ساكنة كلها
قريبة من الحرم الحريم يروحوا لوحدهم والرجال لوحدهم ولا احد يركب سيارة ولا هم يحزنون
لابسين على قولته حوايج اتقل مننا صار يقول يابناتي زمان كنا لما نضحك على احد يدور 40 سنة ويرجع
دحين انا اتريق عالبنات الاقيكم لابسين زيهم الله يرحمهم ويرحم اعياد زمان
تعالي نورة اقول لك على سر من اسراري في العيد  تعرفي العيدية ايش كنت اشتري فيها :58545:
سيريلاك حقت النونوات كنت اموت عليها .gif "(269)")
آآآآآآآآآآآآه ياليت الزمان يعود يوما 
|