وانت بخيير وصحه وسلامةة
هنا موضوع للاخ طالب جامعي منتسب ان شاء الله يفيدك
تقدم على الإنتساب في جامعة الملك فيصل في الأوقات التي تعلنها الجامعة للإلتحاق بنظام الإنتساب المطور (التقديم يكون كل فصل دراسي بمواعيد تعلن عنها الجامعة) .
إذا طلع اسمك من ضمن المقبولين ؛ تسحب أوراقك من الجامعة اللي أنت فيها وترسل هالأوراق لجامعة الملك فيصل حسب الطريقة التي تعلن عنها الجامعة لإرسال الوثائق للطلبة المقبولين .
(مو تسحب أوراقك قبل ما تنقبل ، انتبه لهذي النقطة ، لازم يطلع اسمك انك مقبول في جامعة الملك فيصل ، وبعد مايطلع اسمك تسحب أوراقك من الجامعة اللي أنت فيها)
سواء قدمت في جامعة الملك فيصل على تخصص مثل اللي كانت تدرسه أو غيره ؛
فالمواد اللي راح تدرسهم في جامعة الملك فيصل أول ترم (يسمونه مستوى1) يعتبرون مواد إجبارية لازم تدرسهم حتى لو كنت مخلصهم في جامعتك اللي كنت تدرس فيها .
الشغلة اللي تفيدك في الموضوع هي أن فيه إجراء أسمه معادلة المقررات ،
ابتداء من المستوى الثاني يعادلون لك 15 ساعة كحد أقصى من المواد اللي سبق ودرستهم في جامعتك السابقة بشرط ان كل مادة مايقل تقديرها عن C
لازم تقدم على المعادلة قبلها بترم ،مو عشان يعادلون لك في نفس الترم لا ، عشان يعادلون لك في الترم اللي بعده .
يعني أول ما يقبلونك في جامعة الملك فيصل تقدم على طلب المعادلة في الموعد المحدد لمعادلة المقررات (الموعد هذا تعرفه من خلال دخولك على التقويم الدراسي وسأضع لك الرابط الخاص به لاحقاً في هذه المشاركة).
سأضع لك الآن شروط المعادلة بالتفصيل .
1- في كل فصل دراسي ؛ تكون هناك فترة محددة لمعادلة المقررات ،
ويقوم الطلبة بتقديم طلب معادلة المقررات من خلال الخدمات الطلابية (أيقونة طلب معادلة المقررات)
تدخل على الأيقونة المطلوبة وراح تشوف الشروط ومن ضمنها إرفاق مستندات معينة (السجل الأكاديمي مختوم من جامعتك السابقة + وصف المقررات اللي درستها مختومة من جامعتك السابقة)،
المستندات هذي تجيبها من جامعتك القديمة اللي كنت تدرس فيها ،
تحط المستندات هذي في السكنر وتضغطهم في ملف مضغوط وتحملهم على الموقع ويجب أن يكون طلب التقديم في الفترة المحددة التي تعلنها الجامعة في كل فصل دراسي لمعادلة المقررات
(لاحظ ان الطريقة الوحيدة المقبولة هي الطريقة الإلكترونية ، يعني ما راح يقبلون أوراق المعادلة إذا تم إرسالها عن طريق البريد).
2- التعليمات الجديدة للإنتساب المطور فيما يختص بمعادلة المقررات هي أن تتم معادلة المواد التي درسها الطلبة في جامعات ومؤسسات أكاديمية أخرى (سواء كان الطالب متخرج أم غير متخرج من جامعته أو كليته السابقة) .
3- تتم معادلة 15 كحد أقصى ساعة فقط للطالب بشرط أن لايقل المعدل الحاصل عليه الطالب للساعات التي يرغب في معادلتها عن C.
4- لايتم معادلة المواد للطلبة الجدد(مستوى1) لأن المواد في الفصل الأول إجبارية ولاتتم معادلتها .
سأضع لك تصريح سعادة الدكتور عبدالله النجار بهذا الشأن :
" الاخوة الطلبة
السلام عليكم
لا يتم معادلة أي مقرر لأي طالب مستجد
الدراسة في الفصل الأول إلزامية لجميع المقررات دون استثناء
يتم معادلة 15 ساعة فقط لأي طالب تقدم بمعادلة مقررات حتى لو كان قد حصل على درجة علمية من خلال دراسة دبلوم في كلية حكومية معترف بها (4 سنوات) أو جامعة معترف بها من داخل السعودية أو خارجها "
طبعا إنت أول ما تقدم بتكون حاط التخصص اللي انت تبيه ، وإذا انقبلت فماراح تقدر تغير تخصصك إلا بعد ما تجلس سنة (يعني فصلين دراسيين) في تخصصك القديم ،
ولازم تكون مخلص في هالسنة هذي اللي جلستها في تخصصك القديم 24 ساعة ، ولازم يكون معدلك مايقل عن 2 وبعدين تقدر تقدم على تغيير التخصص ، كذا نظام الجامعة .
سأضع لك تصريح سعادة الدكتور عبدالله النجار بهذا الشأن :
(... شروط التحويل من كلية إلى أخرى
مضي سنة كاملة حتى يتسنى للطالب/الطالبة طلب تغيير تخصصه
انهاء بنجاح 24 ساعة معتمدة
الحصول على معدل 2.00 من 5.00 على الأقل (مع إن بعض الكليات تشترط معدل أعلى من ذلك)
وجود إمكانية في الكلية التي يرغب الطالب التحويل إليها)
بالتوفيق للجميع ...