|
رد: بعد عيدية الدكتور الفريدان
السلام عليكم جميعاً . . .
كل عام وأنتم بخير أنا أوافق b13 على إنه كل طالب جامعي في أي جامعة يفترض معرفته بالخطة الدراسية من حيث عدد المستويات والساعات وكذلك عدد المواد ومسمياتها علشان يرتب إموره زي ماقال إخونا ، وإحنا هنا المعلوم عندنا فقط عدد المستويات الدراسية ( 8 مستويات ) وهذا بالتأكيد ماراح يفيد الطالب في وضع أي خطة للتخرج أو تسجيل المواد . . .
بس أنا إللي لاحظته على معظم الزملاء إصرارهم على تسجيل ( 20 ساعة ) ولو حاصل لهم تسجيل حتى 23 ساعة راح يسجلون .
من وجهة نظري المتواضعة أن الواحد حبة حبة يمشي في التسجيل يعني أنا ما أقول سجل فقط 12 أو 15 ساعة ولكن البعض عنده الـ 18 ساعة شوية . طبعاً الله يوفق الجميع في طلاب عندهم وقت وكذا بس لا تنسون إن كل سمستر بظروفه يعني الواحد لا يندفع وإنتو عارفين وشهو إللي اقصد من ظروف قد تكون الظروف إجتماعية ، ظروف ضغط العمل ظروف الإجازات ظروف أكاديمية قد تكون ظروف جدول الإختبار زي ما هو صاير في المستوى السادس السنة هاذي . فباختصار الجميع متاح له يسجل ما يشاء ولكن مو كل مرة تسلم الجرة المفروض الطالب يكون أعلى من المتوسط بشوي يعني تسجيل من 18 إلى 19 ساعة أنا أشوفها كافية جداً للطالب الجامعي إلا إذا كان خريج فالوضع هنا مختلف يعني إذا كنت خريج نعم إنت هنا مجبور إنك تسجل العشرين أو حتى الثلاثة والعشرين ساعة علشان تتخرج وتخلص .
أتمنى التوفيق لجميع الزملاء والزميلات من كل قلبي وإنشاء الله التخرج ونيل أعلى الوظائف والمراتب .
ودمتم
|