|
رد: ربات البيوت والموظفات الاداريات كيف نظمتوا اوقاتكم بالدراسه ؟
انا بأكتب لك تجربتي
انا ربة بيت وعندي بنات بالمدارس ولا عندي شغاله
افضل وقت للمذاكره بعد مايروحو العيال المدارس يكون البيت هاادي وذهنك صاافي ،اسمع لي محاضره من
مواد الفهم، بعدها اقوم وارتب البيت وعلى الساعه تقريباً ١٠ انام للظهر واصحى اسوي الغدا، ومن بعد العصر
تبدأ المعاناة مع حل الواجبات والتسميع والمذاكره،وماعاد افضى الابعد ماينامون ويصير البيت هادي، بعدها احل
الواجبات والمناقشات واحمل المحاضرات لأن هالشغل مايبغاله تركيز وأسويه وعين مفتحه وعين مغمضه
طبعاً اهم شي يكون عندك جدوال لمتابعة تحميل وحل الواجبات والمناقشات، وسوي لك خطه من بدري وحددي لها
وقت، واقول ضرووووري تبدأون من بدري لأننا مانضمن الظروف الطارئه من مرض العيال لاقدر الله او ضيوف او اي
شي ثااني،وصدقوني بالتنظيم بتتسهل الأمور، والحمدلله معدلي ماينقص عن ٤،٨ ومن حسن حظنا في هالقسم ان
المواد معظمها فهم ،يعني اذا فهمتي امشي وخلاص،بعكس الحفظ اللي كل شوي يبغاله اعادة وتكرار
ويااارب تكونو استفدتو من تجربتي وزالت مخاوفكم
|