نحو تطبيقي 1: درست عند نوال الحسين الترم الاول والثاني ..
أبد أبد ما أنصح فيها
من تبدأ المحاضرة تفتح البروجيكتر وتقرأ بس ,
أبد أبد ما تشرح الله يهديها ومحاضرتهاا تجيب النوووووم (بكل ماتعنيه الكلمة ..) ,
وأسئلتها ما أقدر أحكم عليها لان الأسئلة جميع دكاترة المادة يحطونهاا مع بعض ,,
تحرير عربي : ما درستني ولا وحدة من الموجودة أسمائهم .
تقنية معلومات : درستني مها القاضي زوينه نوعاً ,
بس أنا ما اتقبلها مدري ليش !
شرحها بسيط ومفهوم أسئلتها مررررة سهله
بس عيبها تطول بالمحاضرة وأحيانا ً تاخذ زيادة على الوقت ..
انجليزي : درستني منى الرواجح تهببببل هالإنسانه
متعاونة لأقصى حد وتسهل المادة وأسئلتها بسييطة
أساساً المادة سهله بس هذا مايمنع انك تذاكرين وتشدين حيلك شوي
وليلى الحسن برضو درستني مرتين بس مب هذي المادة
درستني من مواد التخصص هالدكتورة مب طبيعيييية عسل عسل عسل
كل شي فيهاا يجنن أخلاق شرح تعاون وأسئلة ,
وأهم شي ابتسامتها اللي ماتفارقها ما شآء الله ,, >>
(على فكرره تراها سورية 
)
فقة السيرة مو موجودة اللي درستني والصحة واللياقة كذلك ,,
الثقافة الاسلامية : المادة هذي تراها ثقيلة شوي فيها حفظ واااجد ..
درستني اياها هيلة الغانم ماكانت تشرح بس تقعد
وتقرأ الكتاب وتخطط معكم >> هذا أحسن ما فيها
(للامانه هي كانت حامل ونفسيتها لكم عليها شوي ,,
يمكن تغير أسلوبها اللحين والله أعلم )
مهارات التعلم والتفكير : اذا طلعت عندكم صفآء اختاروها بدون تردد ..
مبادئ الادارة : نفس الشي اذا طلعت عندكم سارا حسن أو نجلاء الغامدي
خذوهم ترى مره كويسيين ( أنا جربت سارا وصديقتي نجلاء ) ..