إخواني الطلاب الجدد ، أخواتي الطالبات الجدد
آسف على التأخير بس كنا في نهاية رمضان وثمن دخلنا في حوسة العيد وسلام العيد ،،،
والبعض منكم مستعجل على الدراسه والمواد ومعرفة محتوى المواد وأنا أقول إن شاء الله لاحقين على خير وخلونا نبدأ حبه حبه وحده وحده،،،
أول شي يمكن أقول كلام قريتوه وسمعتوه من غيري كثير بالنسبة للمستوى الأول / أول شي المواد راح تنزل لكم من الجامعة مايحتاج تسجيل مواد ولا شي تنتظرون لين تنزل موادكم
الشي الثاني / أعتقد موادكم نفس موادنا المستوى الأول زي ما ذكرتها في بداية الموضوع
الشي الثالث / نصيحة للي يبي ينجح ويجيب معدل زين لا يفوت تحميل المحاضرات ولا المحتويات ويحل الواجبات والمشاركات أول بأول علشان يضمن 30 درجه في الجيب
الشي الرابع / يحضر محتوى كل ماده قبل ما يشاهد المحاضرة ويفتح المحتوى قدامه ويمشي مع الدكتور محاضرة محاضرة طبعاً للناس اللي عندهم وقت ويبون يذاكرون ويبون معدل زين وبعض الطلاب يكتفي بالملخصات وأنا طبعاً منيب منهم .....
الشي الخامس والأهم / وهي المذاكرة من بداية التيرم حتى ماتتراكم عليكم المحاضرات في نهاية التيرم وتلاقون نفسكم على مشارف الإختبارات ولسى ماخلصتو مذاكرة المواد.
نجي الحين للمواد اللي عندكم وراح نبدأ بالأسهل ثمن الأصعب
المادة الأولى / من وجهة نظري ( مباديء القانون )
المادة دسمة ومعلوماتها كثيرة وحفظ نوعاً ما بس المادة جميلة وسهله وحتى دكتورها حبيب وممتاز وأسئلة الإمتحان مباشرة ميه ميه وأعتقد أغلب الطلاب جابوا فيها +a
المادة / مباديء القانون
الدكتور / علي بن صالح الزهراني