بسم الله الرحمن الرحيم

اول حاجة نبارك للفريشمان الجدد ونقولهم شدو حيلكم بهذي السنة
لان اذا جبتو معدل حلو من هذي السنة ترتاحون مرة
ولا تسمعون كلام المحبطين
لان المواد اللي بتاخذونهم سهالات ومو صعبة

نبدأ اول سمستر :

1) كالكولس 1 : مادة رياضيات تتكلم بشكل شامل عن الاشتقاق .

2) فيزكس 1 : تتكلم عن قوانين نيوتن والحركة (صج يقولون المادة صعيبة لكن اهم شي فهموا الاساسيات ) .

3) كميستري : تبدأون من الاساسيات واهي مادة سهلة لكن اهم شي يكون عندكم الانجلش حليو عشان تكون سهلة

4) اسلامي 1 : مادة جريد (يعني تجيبون فيها درجات بالراحة )

5) عربي 1 : تتكلم عن النحو واعراب وربعه (مادة جريد)

6 ) english composition 1 : مادة تعلمك الرايتنق من الاساسيات واهي بشكل عام تركيزها رايتنق ( مادة ممتعة وتعتمد ع الدكتور وتصحيحه للرايتنق )

7 ) رياضة 1 : من اصعب المواد >> ( مادة جريد )

وهذا خلصنا السمستر الاول 19 ساعة


السمستر الثاني :

1) كالكولس 2 : رياضيات تتكلم عن التكامل مادة اصعب من اللي قبلها في كثرة القوانين

2) فيزكس 2 : هم تعتبر فيها شوية صعوبة تتكلم عن الكهرب والشحنات وربعهم

3) كمبيوتر بروجرامينج : مادة برمجة بلغة السي ++ مادة ممتعة اذا فهمت الاسايات اما لو ضيعت في البداية ربك يعين

4) english composition 2 : نفس الشي رايتنق لكن هالمرة في بحث صغير

5) رياضة 2 : ( مادة جريد )

6) عربي 2 : تتكلم عن الكتابات الوظيفية يعني تعبير ( مادة جريد )

7 ) اسلامي 2 : (مادة جريد )

وخلص السمستر الثاني 19 ساعة

ــــــــــــــــــــــــــــــــــــــــــــــــــ ــــــــــــــ

بالنسبة لسؤال بعض الاعضاء :

هل يحتاج اجيب في مادة جريد معين مثل التحضيري ؟

نقول لهم لا ما يحتاج .

وبالنسبة للي يقول يعني بكذا مافيه رسوب ؟

لا يالغالي ،
اهم شي ما تجيب F لانها رسوب وبتعيد المادة

وشي تاني : احذر كل الحذر انكم تاخذوا DN لانها العن من F
اذا جيت في التوظيف وعندك دي ان هذا يعني انك شخص تلعب وما تنتظم بالدوام

واخيرا : الانذارات يجيك انذار كل سمستر اذا كان المعدل تحت 2
ويروح اذا رفعته
وعنكم ثلاث انذارات اذا خذت الثلاث يجيك وقف عن الدراسة


وبكذا خلصنا بحمده