|
رد: بنات ساعدوني قتلت نفسي صياح
حبيبتي ثقي بأن اللي صار كان مكتوب عليك
وان الله ما يختار الا الاخير في كل الامور
ولان ربي يحبك صار كذا
ما تعرفين ايش الشر اللي ربي صرفه عنك
إذا آمنتي بهذه القاعدة زييين مارح تموتين من الصياح
سوي لك جدول بشعبة ثانية مختلفة تماما
الحقي عمرك لان الجامعة غيييير
اولا مارح يسجلونك بشعبة صديقاتك لو تموتين 
بيسجلونك بشعبة اخرى ويمكن جدولها بايخ جدا ويمكن ما عندك اوف
وبيمرمطونك هذا غير الفرفره من مكتب لمكتب
وبيقولون احنا في جامعة مافي شيء اسمه مع صديقاتي بتكرهين نفسك
من الحين الفرصه باقي مفتوحه تلاحقي عمرك ودوري لك جدول حليو
ويناسبك مو لازم مع صديقاتك انت في يوم تعرفتي على صديقاتك
وهنا بتتعرفي كمان على صديقات
لا تشيلي هم انا اتكلم معك عن تجربة جربت اللي تحسين فيه
جربت القهر بس مع الايام رضيت وفرحت وابشرك حمدت ربي لانه صار لي كذا
حطي في بالك كبرنا وخلاص مافي شيء اسمه ابي مع صديقاتي
انت كبرتي تقدرين تقومي بنفسك بنفسك تروحي وتجي وتحضري محاضرات
يا حلوه فكري في كلامي زييييين وسوي لك جدول حليو الله يسعدك
على فكرة يعتبر حالك افضل من حالي على الاقل بيدك تختاري الجدول اللي تبينه
بس انا كنت ملزمه اتقبل جدول واحد لا يمكن تغييره وتيسرت بفضل ربي
|