عليكم السلام
الأمر ماهو بالصعوبة اللي تتصوريها .. وتعليم اللغة الانجليزية بالجامعة جداً سهل وممتع ومفيد أكثر من المدرسة
لان راح يبدأ يدرس من الصفر دام مايعرف شي ( حسب اختبار تحديد المستوى )
لدرجة انه راح يدرس من الحروف والارقام الانجليزية
بس أهم شي يذاكر أول بأول وبيحس أن بكل يوم يكسب معلومات تفيده جداً لين يتقن اللغة
برنامج السنة التحضيرية معد لتجهيز الطلاب لاكتساب المهارات الاساسية لدراسة التخصص مع التركيز الكبير على اللغة الانجليزية ومهاراتها ( قراءة, كتابة, تحدث, قواعد, استماع )
بس اهم شي يذاكر أول باول ويكون متابع مع المدرس .. مايقول صعب وهو مايفكر يفتح الكتاب أو يغيب عن المحاضرات أو مايركز مع المدرس
وعشان يكون متميز, بالطبع لازم يبحث ويطلع على أمور خارجية غير اللي يدرسها بالجامعة
وطبعاً في السنة التحضيرية راح يدرس خمس مواد بكل سمستر ( حسب ماكان العام الماضي )
السمستر الاول
انجليزي 1
رياضيات 1 - باللغة الانجليزية
حاسب 1 - باللغة الانجليزية
صحة ولياقة - عربي
مهارات اتصال - عربي
السمستر الثاني
انجليزي 2
رياضيات 2 - انجليزي
حاسب 2 - انجليزي
علوم طبيعية (فيزياء وكيمياء) - انجليزي
مهارات بحث وتفكير - عربي
فاذا هو متحمس وله رغبه بالتخصص خليه يتوكل على الله وعسى أن يوفقه ويكتب له ولجميع المؤمنين والمؤمنات اللي فيه الخير والصلاح,,