طبعا كلكم سمعتوا البيت اللي يقول:-
تكفى ترى تكفى تــــهز الرجــاجيل
لولا ظروف الوقت مـــاقلت تكفى
، لكن أغلبكم ماقرأ القصيدة الكاملة،،،
تمتع بقوة القصيد
ــــــــــــــــــــــــــــــــــــــــــــــــ
مـن ذاق حـر القايلـــة يعشـق الليـل
ومـن شـب ضـوه ليلــــة البـرد يـدفـا
أمســـــيت في جيلاً ولاهوب ذا الجيل
و أصبحــت وإلا ديـرتـي شـبـه منـفــا
واللـــــــي حمـى بيتـه بطيــرن أبـــابيـل
ماجيـــت أدور كـل مـن صـد وأقفـــــا
ولا جيـت أبشحـذ يانمـا دلـــه وهيـــل
جيتـك وجـرح الظـلـم غـــــاديـه يشفـى
جيتـــــك بكلمـة كــنهـا صعــقـة الويـل
وإن قـــلـت تكفـــــــى لاتهــاون بتكفــى
تــكفى تراها كلمـــــتن تقــطم الحيـــل
لا بـــالله إلا تـــــنسف الحـــــيل نسفى
تكفى تـرى تكفــــى لهـا هــــدرة الســيـل
فــــي صدر حر ينــتف الطيـــب نتــفا
تكـــفـى تـــــرى تكفـى لـها تسـرج الخيـل
إن كــان لك في مجمع الـــخيل عسفا
تكفــى تـــراني من قرومـٍ مشاكيل
حمـــــاية الــسـاقـة بـــسيفـاً وشــلفـا
تكفــــى تـــرى تكفـــــى تهـز الـرجاجيـل
لولا ظروف الوقــــت ماقلــــت تـــكفى