ملتقى طلاب وطالبات جامعة الملك فيصل,جامعة الدمام - عرض مشاركة واحدة - فرع القصيم [ تم تعديل العنوان ] محتارة أي تخصص أدرسه في كلية الغد، وهل فيه دفغات تخرجت من كلية الغد و توظفت؟

لمو44 · #1 2012- 8- 31

السلام عليكم

مساء / صباح الخير ..

آنا قبل فتره جيت و سألت عن تخصص الاشعه عشان ابدخل الكليه و ابي معلومات عنه و ما لقيت افاده مره ..

المهم اني رحت الكليه اللي بالقصيم و قالوا ما فتحنا الاشعه عندنا انه ما عليه طلب و لازم يكون فيه اكثر من 10 طالبات عشان نفتح القسم ..

و دفعة السنه اللي راحت حقت التحضيري كككككككلهم دخلوا تمريض و ما اعتقد ان فيه ناس بتدخل كليه اهليه و تدفع فلوس و تدخل تمريض ..

الا اذا كانوا هم غاصبينهم ..

لانه بكل محافظه بالقصيم فيه تمريض ..

قالوا مت فيه اشعه يمكن نفتح طب طوارئ ع السنه الجديده ..

و دخلت هنا و قريت انه بعض كليات الغد قفلته هل صحيح الكلام هذا و لا لا ..

الواحد ما عنده استعداد يترك قسمه اللي قبل و يدخل شي بفلوس و يدخل شي مب بخاطره ..

ف اللحين وش وضع الكليه كل شوي لهم كلمه ..

و هل فيه دفغات تخرجت من كلية الغد و توظفت ..؟؟!!

لانه سمعت من ناس انه الكليه غير مضمونه..

ارجوا منكم الافاده لانه الاسبوع هذا اخر اسبوع للتسجيل في القصيم وو شكرا ..