|
رد: و تبقى الأحلام فطرة قلوبنا حتى ولو لم تتحقق~{
[align=center][table="width:100%;background-color:#dfdfe0;border:4px solid #000000;"][cell="filter:;"][align=center]
السلام عليكم ورحمة الله وبركاتة~
صبحكم الله بالخير جميعاً 
بداية عام جديد يحمل معه توتر وقلق ورهبة  
و يـاعمري على الناس الي تداوم ؟ <من زينك وانتي بس نايمه
أخببــاركم مع ضيقة الخلق والطفش ؟ وتعديل النوم 
احس الكل قامط ويحس نفسه بيجيب العيد
تدرون وش اشين شي بالدراسه ؟هو روحة المكتبه ..قسم بالله زهق زهق زهق 
تروحين تجرين اخوانك ويالله كل واحد معه ورقه وش يبي نصهم معك ونصهم مع ابوك (امك شايله يدها منهم )  <حايمه تسبدها
ويالله يجلسون لك ساعه على بال مايتنقون دفاتر كشخه زخرفتها واسيامها زينه ومدري ايش ..
بعد التنقي والاختيار ننتقل الى مرحلة الاقلام .. سبعطعش قلم واحد منها يستخدم والباقي زينه 
تجي اختك المراهقه واختك البزره ويالله كل وحده وريني وش خذيتي لون يمكن ماخذيته ياحيوانات رايحين تفتحون مكتبه انتم ؟؟
ولا انسى اننا نمر بممرات التجليد والتغليف عشان الكتب وكذا ) ...بعد هالموجه العنيفه نروح
نشتري شنط لهم الي يبي سابق ولاحق والي تبي هيلو كاتي وانواع الصياح اذا ماحصلو النوع الي يبونه ..
هذا غير النفسيات الي تقابلهم بالمكاتب..ترا مب انت وانتي مغصوبين تجون مع اخوانك حتى حنا مجبورين ...بس عادي الحياه حلوه <
واذا رحنا البيت تبدا الام بحالة الاستنفار والتوعيد والتهديد المغلظّ
بالحلوف ..والله وتالله وبالله ان شفت واحد منكم محوس غرفه
بالقراطيس ولامنطله اقلامه والوانه اني لا أجدعها بالزباله ولا اشتري
له واخلي ابوكم مايجيب لكم خلكم تصيرون ضعيفين وعيال فقر
ويتطنزون عليكم عيال الفصل .. <<ريلاكس مامي 
بالنهاية
اهم شي وانتم رايحين دواماتكم احتسبو بأنه طلب علم ..مب بس بالدوام بكل شي مفروض تحتسبون
يجيكم اجر عظيم من شي انتم ماتتوقعونه وتستحقرونه وتحسونه تافه
والرسول صلى الله عليه وسلم يقول ((من سلك طريقا يلتمس فيه علما سهل الله له طريقا إلى الجنة))
 </B>
[/align][/cell][/table][/align]
|