الصلاة ~
نبدا بصلاة الفجر , لازم تعودين نفسك تصحين قبل بعشر دقايق عشان يمديك تصحصحين وتتروشين وتلحقين تصلين في البيت او لو صار وقت الاذان بعد وقت طلعتك عادي تصلينها في المحطة ,
ولو زحمك الوقت عادي تصلين داخل القطار , عشان كذا لاتنسين يكون في شنطتك سجادة صغيرة ,
صلاة الظهر والعصر , بما اننا في سفر فـ يجوز لنا الجمع والقصر ,
نصلي العصر والظهر وقت الظهر او , اذا ماكان عندنا وقت نصليهم على وقت صلاة العصر ,
فـ لو كان دوامك مسائي وراجعة ع اربع , ف عادة القطار يوصل ع اذان المغرب, او لو اذن وانتوا فيه راح تسمعين الاذان هم يشغلونه وتقدرين تصلين بين المقطورتين , واسألي اي موظف عن اتجاه القبلة وهو راح يعلمك .
وللبنات الي بيرجعون ع سبع فـ اكيد الجمع والقصر للمغرب والعشاء..
الأوراق المطلوبة مني كطالبة جامعية ~
اولا:
ورقة التصريح : الي تكون بديل عن البطاقة الجامعية لأن البطاقة الجامعية يتأخرون لين يصدرونها , فـ يعطونك هذي الورقة عشان تدخلين وتطلعين بها ,
وضروري تحافظين عليها من الضياع لأن الامن الخارجي ماراح يطلعك لو طلبوا الاثباتات الا بالأصل ,
فـ اول ماتاخذينها من عند الامن داخل الكلية ( النساء) غلفيها تغليف حراري عشان ماتضيع ,
واطبعي منها كذا نسخة عشان تعطينها لموظف القطار اذا بغيتي تحجزين لأنهم يحتاجونها عشان يعطونك تخفيض ,
كيف اطلع الورقة؟
تروحين عند الأمن ويفضل تروحين لهم أول اسبوع تفاديا للزحمة وتعطينهم الورقة الي اعطوك اياها البريد ,
ثانيا : السواق تبع الباص يحتاج اطلع له ترخيص؟
ايه يحتاج تطلعين له ترخيص, تروحين لأمن النسائي وتطلبين منهم ورقة ترخيص للسواق , راح يعطونك اياها تكتبين فيها اسم السواق وتعبين الخانات الموجودة بعدين تعطينها ولي امرك عشان يصادقها من عند العمدة وقسم الشرطة , عادي تسوينها في مدينتك (خبر, الظهران,الجبيل,الدمام)
*مواعيد الدخول و الخروج من الكلية ~
الدخول والخروج باختصار حسب محاضراتك , مافي احد بيحاسبك ع وقت خروجك الا لو طلعتي قبل الساعة تسعة هنا بيرجعونك الأمن الرجالي ماراح يسمحون لك تطلعين ,
فيه بعض السواقين يكون اوقاته محددة , يعني لو تخلص محاضرتك 11 بيقول لك ماراح اجيك الا 12 او 12 ونص , وفيه سواقين حسب وقتك , بس الأغلب تكون اوقاتهم محددة ,
وراح تمر عليكم ورقة وانتم في الباص تكتبين اسمك وموعد خروجك ,
وإذا كتبتي موعد ضروري تطلعين بنفس الوقت لأن لو تأخرتي احتمال يروح عنك الباص وتفوتك الرحلة , واذا كان الباص الي انتِ معه من النوع الي مايمشي الا وعدد البنات مكتمل احتمال كبير الرحلة تفوت كل البنات الي معك , فـ لازم تلتزمين بالوقت الي كتبتيه ,
إذا كانت محاضرتك ماتنتهي الا 12:55 وكان دكتورك / تك من النوع الي مايطلعونك الا ع الوقت لازم تكلمينهم قبل المحاضرة وتشرحين لهم وضعك وتحاولين معهم انهم يطلعونك قبل بخمس او عشر دقايق , فيه دكاترة ينسون فـ تحتاجين تذكرينهم كل مرة , وفيه بعضهم مايتعاونون معك , فـ تلافيا للإحراج لا تحطين وقت معين للباص , والله يعينك تنتظرين لين رحلة 4 ,
المحطة والمطعم ~
فيه داخل المحطة(الدمام - الاحساء )
مصلى وفيه حمامات , وفيه مطعم بعد , يسوون غدا يومي وعندهم فطاير وبيتزا ,
واذا ماحبيتي اكلهم عادي تجيبين معك غدا في حافظات صغيرة وتعطينهم يسخنونه لك ,
ايش الاكلات الي ممكن اخليهم يسخنونها O_o ؟
يعني مثلا مكرونة مسلوقة ومعها صلصة , تعزلين المكرونة عن الصلصة وفي الظهر او العصر تعطينهم يسخنونها ,
طيب ما كأنها فشيلة شوي اجيب فطوري وغداي معي؟
لا ابدًا بنات كثير كذا يحطون اكلهم في كيس داخل الشنطة او ياخذون الاكياس الي كأنها شناط ويحطون المخدة والأكل داخلها ,
||2||
*لو اضطريت اتأخر في الكلية كيف اتصرف؟
*كيف اذاكر وانظم وقتي؟وهل ممكن اصير متفوقة مع زحمة الوقت والتعب؟
*النظام داخل الجامعة,
*اللوكرات
*وش اسوي لو احتجت اجيب (لابتوب, آيباد,جوال كميرا )