ملتقى طلاب وطالبات جامعة الملك فيصل,جامعة الدمام - عرض مشاركة واحدة - استفسار : هل يوجد ابتعاث لطلاب التعليم عن بعد

أبو جَنىَ · 2012- 9- 1

اقتباس:

المشاركة الأصلية كتبت بواسطة الفطيماني

اسمح لي أبو جنى كلامك غلط تماما كل شي بواسطه

أنا دليل واقعي قدامك توني واصل من بعثه على حسابي الخاص

من بريطانيا استمريت 6 شهور ولا حصلت انضمام وفيه من كان قبل بفتره طويله :cry111:
ورجع قبل لا ارجع وكلهم موجودين ودلائل من أرض الواقع
ومنهم اللي لازالو مستمرين هناك الله معطيهم عسى الله يزيدهم من فضله ويوفقهم
ورجعت ماصار لي اسبوعين وتبخرت كل امالي واحلامي على جدار الواسطه

لقيت كل الطرق قدامي مقفله قلت مافيه الا جامعة فيصل :cry111:

وشكرا للجميع

أسأل الله أن يوفقك ويرزقك الرزق الطيّب المبارك ويعوّضك من حيث لا تحتسب ..
وأنا كل كلامي عن ملحقيات أمريكا وما أعرف أي شيء عن نظام الملحقيات في بريطانيا ..

آخر مجرّب من أخوياي في عام 1432 هـ .. وألتحق بالبرنامج هو + زوجته
هو متخصص في القانون وزوجته هندسة , جلسوا شهرين فقط
وألتحقوا عن طريق المحلق الثقافي في السفارة السعودية في أمريكا
ولو تقرأ في الردود القديمه لي , أنا قلت : ( لو معك واسطة شهرين فقط
ولو أنت بدون واسطة مع لـ 5 شهور في أمريكا ) , أنا مستعدّ أعطيكم رقم
الرجال تتواصلون معه إذا تبون معلومات , وإذا عندكم أسئلة أنا أوجهها له ..
والملحقية السعودية في استراليا تقبل الإلتحاق بالبرنامج بس يبي لها مدّه ..

مشهد :

+ زوجته ومعها 7 عربيات في نفس التخصص رفعوا معروض لإدارة الجامعة
أنهم يبون كلاس خاص , وتعاونت معهم الجامعة وعطوهم كلاس مافيه شباب

هذا للي يبغون يروحون يدرسون على حسابهم الخاص ويلتحقون بالبرنامج
أما كلامنا في الموضوع هذا كان عن نقطة هل الإبتعاث يشمل الأنتساب ولا لا
وهو يشمل الإنتساب وأغلب اللي يسألون يبون يلتحقون بالبرنامج قبل السفر ..

يمكن تجربتك ما كانت ناجحة وإللي كانوا في بريطانيا يعانون من نفس المشكلة
لكن أنت أول من يدري عن تساهل الملحقيات السعوديه في أمريكا وضعف الرقابة
هناك وإهمال الوزارة في ما يخص المكافئات والمعيشه هناك , يعني أمورك تمشي
حتى لو كنت تبي تغيّر تخصص وتدرس تخصص مو موصى فيه , ويصرفون لك راتب ..