بصراحة موضوع غريب واستغرب من صحيفة سبق نشره الجامعة حددت النسبة الدنيا للقبول في الجامعة وهي على اما اعتقد 60% طيب هل جميع الطلاب المتقدمين اللي نسبتهم 60% سيتم قبولهم طبعا لا بسهم حددوا النسبة الدنيا للقبول يعني اقل نسبة يمكن قبولها في الجامعة في جميع التخصصات بس اللي المتقدمين كانت نسبهم أعلى من كذا حسب عدد المقاعد للطلاب والطالبات ولو قبول عدد أعلى من كذا يمكن يكون هناك لخبطه عند الجامعة في مراكز الاختبارات والضغط على انظمة الجامعة وكلنا شفنا كيف يكون الضغط وتعليق البلاك بورد ولو قبول الطلاب والطالبات في تخصصات ما يبغونها ماراح يرضون يعني ممكن واحد نسبته 65% ويبغى تخصص علم اجتماع بس عدد المتقدمين لتخصص علم الاجتماع عددهم 200 وهذي المقاعد المخصصه لتخصص علم الاجتماع المتقدمين لتخصص علم الاجتماع كانت أقل نسبه علشان يكتمل العدد هي 70% ماراح تقبله الجامعة في هذا التخصص ويمكن يقبلونه في تخصص ثاني وش تعمل الجامعة في الحالة هذي بصراحة انا ماني ضد إن الناس انها تدرس بالعكس أنا سعيد للحماس اللي عليه الناس ودي الناس كلها تنقبل في الجامعات بس زي ما يقولون مد رجليك على قد لحافك وهذا اللي تسويه الجامعة ولا تسنون ان الانتساب في الجامعة سيتم اغلاقه بعد خمس سنوات وذلك لوجود الجامعة الالكترونية.
أتمنى التوفيق للجميع وأن لايسأ فهمي ألف مبروك لجميع المقبولين وحظ أوفر لعدم المقبولين