ملتقى طلاب وطالبات جامعة الملك فيصل,جامعة الدمام - عرض مشاركة واحدة - أيّ استفسار خاص بكلية الجبيل الجامعية .. هنا

fluffy puffy · 2012- 9- 2

اقتباس:

المشاركة الأصلية كتبت بواسطة mooom

بنات انا اليوم حضرت محاضرات كلها بسم الله علي بس عندي مشكله اني ما اعرف انقلش ابد واحسني ضايعه داخل محاضرة مادري مس وش تقول بختصار عندي انقلش متدني وش الحل مع العلم اني صعبة تعلم والله انا ودي بس مابي اكمل مشواري اوانا ما اعرف شي بانقلش يعني اذا فيه حل انو اقدر اجل هترم ولا انقل كليه ثانيه ولا ايش اعطوني حل
الله يوفقكم يارب

عادي انتي مو الوحيده اللي ماتعرفين انقلش
كلها شهر شهرين وبتمشين معهم لاتحكمين من اول يوم
لازم تتعلمين مو اي عقبه تواجهك باللغه تخليك تفكرين بالنقل! كذا ماراح تتقدمين ابدا
تخيلي معي لو قعدتي فيها واستمريتي من هينا لين ال5 سنين الجايه تتوقعين لغتك ماراح تتحسن ولا بتظل نفس ماهي عليه اللحين؟
وترا المسس يراعونا يابانات التحضيري ويراعون اللغه مستحيل يضحكون بالعكس يحاولون يعلمونك ويصححون اخطائك اهم شي الفكره اللي تبين توصلينها توصل لهم وشوي شوي بتتعلمين وبالعكس اذا تبين تتعلمين تكلمي حتى لو كان كلامك خطأ شوي شوي بتتعلمين اما اذا قعدتي ساكته ومستحيه عمرك ماراح تتقدمين

اذكر كانت في وحده بدفعة اختي تقول انها داخله ماتعرف الـa من الـb ! وتعلمت وقامت تقرأ قصص اطفال بالانقلش وتشوف افلام مش مترجمه
مامرت سنه ولاسنتين الا هم مكرمينها من الطالبات المثاليات

اهم شي تفكيرك لايصير كذا لازم تواجهين العقبات اللي بحياتك وماتتهربين منها وتقولين ابي انقل مقدر اكمل عشان تنجحين

اتمنى اني افدتك

.. وسؤال لوسمحتي .. ممكن اسماء اللي عطوك محاضرات اليوم؟
وهل سجلوا الحضور والغياب؟كانوا واجد بنات حاظرين بالكلاس؟