ياوقت / وش ماخذينه؟ وحقنا "مترين خام"..
محدن مخلّد .. لو تطول أيامها وسنينها ..!!

لكن أبي لي شي واحد..لاهو عيب ولاحرام..
تكفى دخيلك..لا تصير أرجوك بيني وبينها..!!

الجادل/ اللي لو أوصفّها يضيع بها الكلام ..
اللي تغيّر وجهة الشّدّة .. مع تنويـنهــا..!!

أم الذرابة/ واللباقة / والأدب/ والاحترام ..
والملح / والسكر / وضحكتها/ وخفّة طينها..!!

والغنـج/ والهيبه/ وشيلتها كذا فوق اللثام..
تعزّ لك كل البنات .. بجيلها.. وتهينها..!!

" تعزهم " لا رافقوها صار كلن له مقـام ..
" وتهينهم" لا وقفت كلن تماري زينها..!!