المشاركة الأصلية كتبت بواسطة s o 7 a

أنا مسار علمي .. حضرت أمس يوم التهيئة!
ماشاءالله ترتيبهم وتوزيعاتهم وتجارب البنات
حتى المباني والقاعات مريت عليهم , جداً جميله
أنا رايحة الآداب والعلوم ورايحة التربية الجبيل قبل كذا ..
حمدت ربي مليون مره إني إنقبلت بالراكه موب بمكان ثاني
أول شئ حطولنا فطور .. ساندويتشات وعصيرات وكوفي ومويه!
بعدين بدوو يتكلمون الطالبات والعميدات وزي كذا
صدق كان الوضع ممل شوي بالنسبه لي لأني عارفه أغلب المعلومات اللي تنقال
بس يوم التهيئة بيكون مفيد للي ما تدري وين ربي قاطها
بعدين عطونا أوراق تسجيل بيانات طالبه و أوراق استخراج بطاقة وكروكي للجامعه
و تقسيم الشعب عندنا 10 شعب كل شعبه فيها 33 يعني ماشاءالله المسار العلمي لحاله 330
بعدين عطونا بريك ساعه ونص تقريباً من 11 ونص لين 1 بالضبط
رحت درت على المباني والكلليات .. صدق إن حر بس حلو إن فيه مشي
بدأ القسم الثاني .. كان حلو أحسن من الأول الممل
يتكلمون عن النشاط اللامنهجي والنوادي الموجوده وهالأشياء !
ساعه بس و قالوا لنا روحوا تغدوا .. فطور وغدا , ما بقى الا يذبحون لنا مفطح:58545:

المعلومات اللي استفدتها من اليوم كله :
- الطالبات الغير سعوديات يقدرون يداومون ويسجلون موادهم لين تصدر الموافقه الرسميه من وزارة التعليم العالي.
- الجوالات - اللابتوبات - الايبادات اللي بكاميرا مسموح فيها للضروره .. وبشرط عدم التصوير!
- التسجيل يفتح يوم الثلاثاء بعد اختبار تحديد المستوى
- لازم تسجلين جميع المواد من نفس الشعبه
- اختبار تحديد المستوى راح يكون من 8 إلى 12 يوم الثلاثاء
- الكتب راح تكون مجانيه ما عدا كتاب الرياضيات ب100
- اللوكرز متوفره وتقدرين تستأجرينها سنه كامله ب100
- الأستاذات والعميدات وحتى الطالبات جداً متعاونات وحبوبات
- البطاقات الجامعيه تستخرج الأسبوع الجاي
- اللبس والعبايات مسموح بـ كل شئ و أي شئ


بالتوفيق جميعاً ~