لاحول ولا قوة إلا بالله
والله إنها فتنة ،،،، أنا للتو عرفت إن جاري الجديد لايملك سياره وكان موظف سيكورتي بمستشفى حكومي ومرضت بنته والمستشفى رحلها للمركزي بالدمام وراح مرافق مع بنته ولما رجع بعد 11 يوم بعد ماطلعت بنته رجع لدوامه وكانت المفاجأة أنت مفصول طيب ليش قالوا له المفروض تقطع مرافقتك بعد مرور 6 أيام وتحضر عندنا وبعدين ترجع قال ماعندي خبر ليش مابلغتوني حاول فيهم لين حصل مدير قسم بالمستشفى وقال له مره سمعت أبو فلان يكلم بجواله ويقول للمتصل (( أبشرك خل فلان يجيب ملفه ويفصل بدله ،، عندنا موظف سيكورتي بنته مريضه (( يقصد جاري )) راح يراجع لبنته بالدمام وراح ( نزحلقه ونحط الولد مكانه ))
يالله يوم سمعت قصته والله بكيت وقلت له طيب ليش ماعمري شفتك أنت من متى ساكن عندنا قال من بداية رمضان وانا ما أطلع لأن ماعندي سياره ،،، أجل شلون تداوم قال مشي ،،، وهو يرجع شريط الذكريات ( مره شفت واحد يمشي وهو لابس بدلة الأمن ورايح صوب المستشفى )
طيب أنت منين قال من ( المجارده !!!! وينه المجارده )
قلت ممكن أخلي الوالده تزوركم قال ليش ( إستحيت ) قلت يمكن أهلك محتاجين شئ وتخبر حريم مع بعض
قال شف يابن الحلال إذا قصدك تعطوننا فلوس ترا مامعي أسدد قلت منيلك مصرف قال أوقف بسوق الشعير مع العمال واطلع أشتغل بالبيوت ( يحمل اسمنت وطابوق ويكسر جدران )
قسم بالله خنقتني العبره وكرهت نفسي وكرهت الاخبار الاقتصاديه ،،،،،
شطحت شوي لكن راعي المقطع وجاري وووووووووو مايحتاجون فزعه مؤقته طيب وان عطيته هالشهر 1000 أو 2000 طيب الشهر اللي بعده واللي بعده والسنه الجايه ،،،، حسبي الله على كل مسئول ما أدى الأمانه