المشاركة الأصلية كتبت بواسطة .،؛مجرد أنثى؛،.

اممم تقدرين تقولين ان الشعبة كأنها مجموعة كبيرة من الطالبات يحضرون هالمادة مع بعض في نفس الوقت ،
كل مادة فيها أكثر من شعبة ، لأن مستحيل مثلاً كل بنات أولى يدرسون المادة في وقت واحد وعند دكتور واحد ، فالشعب كأنهم يقسمون الطالبات إلى مجموعات ، وكل شعبة لها وقت معين و دكتور معين وقاعة معينة ،

غالباً تكون أرقام الشعب : 30 ، 31 ، 32 ، 33 ، 34 ، ... الخ
وكل شعبة فيها تقريباً من 40 - 60 طالبة ، مدري كم بالضبط على حسب المادة

شعب كل مادة تختلف عن الثانية ، يعني مثلاً شعبة 30 في التلاوة والتجويد تختلف تماماً عن شعبة 30 في فقه السيرة
يعني الطالبات اللي في التلاوة والتجويد غير عن الطالبات اللي في فقه السيرة

ولما في التسجيل نقول الشعبة مغلقة يعني الشعبة هذي خلاص امتلت من الطالبات مافيه مجال أي وحدة زيادة تسجلها

طبعاً مهم انك تعرفين رقم شعبتك لأن من أهمممم الأشياء في الاختبارات انك تكتبين رقم الشعبة على ورقة الإجابة ،
وبعض الدكاترة يحطون درجة أو درجتين على رقم الشعبة من كثر ماهي مهمة ،
وعشان ما تنسين رقم الشعبة اكتبي الرقم على الكتاب أو الملزمة حقت المادة بحيث يكون قدامك لو احتجتي له


أحس اني ما شرحتها عدل بس العوض ولا القطيعة