|
طريقة "تحديث البيانات" على نظام البنر ~
.،؛،.
بسم الله الرحمن الرحيم
طريقة "تحديث البيانات" على نظام البنر
أي أحد حالياً يفتح البنر ويدخل رقمه الأكاديمي وكلمة المرور المتعود عليها بيطلع له  :
المسألة بكل بساطة تحتاج مجرد تحديث للبيانات ، وللتحديث اضغطوا على المظلل بالأصفر
هذا نفس الرابط :
http://www.kfu.edu.sa/ar/pages/newupdate.aspx
أول شي دخلوا "الرقم الأكاديمي" :
ثم "تأكيد"
بعدها دخلوا "رقم السجل المدني" :
وبرضو "تأكيد"
بعدها بيطلع الاسم رباعي
وانتوا تدخلون رقم الجوال
>> يُفضل تدخلون المفتاح الدولي 00966 وبعدها الرقم
بالإضافة إلى اختيار سؤالين من الأسئلة الخمسة الموجودة ، وتكتبون إجابتها
نختار "حفظ"
بعدها ننزل تحت شوي من شريط التمرير اللي عالجنب ،
ونجي لكتابة كلمة المرور الجديدة ،
وهذي أهم نقطة في الموضوع
لابد تكون كلمة المرور - مثل ماهو مكتوب في الصورة -
باللغة الإنجليزية وتتكون من :
8 أحرف على الأقل عبارة عن
حروف كبيرة "كابيتل" + حروف صغيرة "سمول" + أرقام + رموز
*لتغيير اللغة إلى الإنجليزية فيه عدة طرق منها :
من لوحة المفاتيح Shift + Alt تتنقلون بين اللغات
أو
من شريط ابدأ ، يا بتشوفون AR أو EN
إذا كان عربي غيروها إلى انجليزي
* زر Caps Lock يخلي الحروف كبيرة "كابيتل" ،
وبتشوفون لمبة صغيرة تشتغل فوق لوحة المفاتيح إذا كان شغال ،
ضغطة ثانية عالزر ويرجع الوضع إلى الحروف الصغيرة "سمول"
* الرموز Shift + أي رمز تختارونه من لوحة المفاتيح ، مثلاً :
@ أو # أو $ أو % أو & وغيرهم كثييير
دخلوا كلمة المرور مثل ما تحبون ،
أمثلة لكلمة مرور :
%987ASdfu
lkjR#4762
5783@urteA
أهم شي تكون كلمة المرور معروفة بالنسبة لكم ،
بتدخلونها في الفراغين الموجودين :
كلمة المرور + تأكيد كلمة المرور
بعدها تختارون :
"إعادة تعيين كلمة المرور"
وبكذا انتهت عملية التحديث
ارجعوا للبنر ودخلوا الرقم الأكاديمي + كلمة المرور الجديدة اللي توكم مسوينها
وبس :)
عارفة الموضوع بسيط جداً جداً ومتأخر نوعاً ما :/
سويته عالسريع لكثرة الاستفسارات عن التحديث
تمنياتنا لكم بعام دراسي سعيد مكلل بالتفوق والنجاح 
.،؛،.
|