2012- 9- 5
|
 |
متميزه بملتقى كلية الاداب بالدمام
|
|
|
|
|
جيتكم بالخبر اليقين / التسجيل اليدوي + المعادلة
,
السلام عليكم و رحمة الله و بركاته
كيف الحال ؟
أول شي أنا عتبانة على بعض البنات مره , لأنهم يهولون الأمور و يخوفونا
خوفتوني‘ خليتوني أروح الكليه مواصله و تعبانه حراره و صداع و حالتي صعبه 
خفت التسجيل سكر علي‘ و أنا مسجله يدوي‘ و الممواد مانزلوها لي‘ بالجدول فاضطريت أروح
و بالأخير عرفت إيش سالفة المواد المسجله يدوي‘
+ ماحبيت أطلع من الكلية بدون لا أتأكد من المواد اللي سووا لها معادلة مع الخطه الجديده
المواد المسجله يدوي‘ :
سألت الموظفه قلت لها أنا عبيت بطاقة التسجيل من رمضان و سويت كل شي‘ و للحين مانزلت لي المواد ليش ؟
سألتني عن اسمي‘ و أعطيتها ,, طلعت ملف كبير و قامت تقلب بالأوراق لحد مالقت اسمي‘ و المواد اللي طلبتها بالتسجيل اليدوي‘
ارتحت مره إن اسمي‘ موجود بين أسماء البنات
قلت لها يعني‘ مو مشكله إن المواد مانزلت لنا للحين ؟
قالت أبد تأكدوا انها بتنزل بسجلاتكم بس بتاخذ وقت لأن العدد كبييير مره
وعدت السؤال عليها مرتين للتأكيد 
و طمنتني‘ الحمدلله
و جيت أطمنكم بعد 
+ التسجيل اليدوي‘ مازال مفتوح , لحقوا
الشي‘ الثاني‘ :
بالنسبة لــ مناهج المحدثين و فقه 5 ( الخطه القديمه )
قلت بتأكد مره ثانيه لأني شفتهم بجدول الإمتحانات
ورحت لأستاذة منال قالت روحي للدكتورة سعاد  , رحت للدكتورة سعاد و سألتها قالت شوفي قسمك
قلت لها هم أرسلوني لك .,, !
قامت تضحك تقول هم يعرفون موادهم مش أنا ,,
المهم صادف إن الدكتورة نوال المطيري جت عند الدكتورة سعاد
و سألتها قالت روحي ألحين للدكتورة بدريه تلقينها شغاله عالجداول تأكدي منها > ياليل ما أطولك 
رحت للدكتورة بدريه و سألتها و أخيرا جاوبتني
باستغربت إن المواد نازله بجدول الإمتحان
و أكدت لي‘ إنهم مسوين لها معادله مع الخطه الجديده , فصارت مناهج المحدثين و فقه 5 الترم الثاني ...
بالتفصييييييييل 
عشان تكونون متأكدين تماما إن كلامي صحبح
و تتطمنون و تبطلون تخريع للبنات ياجميلات , خلونا حبايب 
__
التعديل الأخير تم بواسطة Shasha ; 2012- 9- 5 الساعة 10:39 AM
|