السلام عليكم ورحمة الله
انا طالبه في كلية إدارة الأعمال ،درست سنه تحضيرية وتعثرت في مادة دراسية واحدة وطلبو مني التحويل من كليتي إلى أي كلية أخرى بشرط أن تكون من كليات جامعة الدمام،علماً أن معدلي 3.3 /5
في نهاية شعبان قدمت طلب تحويل عن طريق البيبول سوفت وتم رفضه ،وقالو لي زميلاتي يمكن رفض طلبك لأنك متعثره ،ولازم تحولين من قسم الرجال !
وكان هالكلام نفس كلام إدارة القبول والتسجيل في كليتي لما سألتهم..
ولما رحت لقسم الرجال عبيت استمارة تحويل وقال لي الشخص الموجود"المسؤول غير موجود تعالي لما تبدأ الدراسة"..
مع بداية الدراسه راجعت قسم القبول والتسجيل لكليتي"طالبات"عشان أتأكد اذا اقدر احول او لا،قالو لي بما انك متعثره ف إلى الآن ممكن تحولين لأنك ماتقدرين تكملين في نفس كليتك..
رجعت قدمت طلب من قسم الرجال واعطوني رقم الطلب وقالو راجعينا بعد بكره (الثلاثاء:أمس) عشان نقول لك خلصت معاملتك وكيف وضعها!
ولما جيتهم "أخذ مني رقم الطلب"وقال لي طلبك أرسلناه إلى كلية التربية راجعيهم هناك بكره"الأربعاء-اليوم"،ولما رحت اليوم لكلية التربية قالو أصلاً الأوراق تجي عليها الموافقه من قسم الرجال في كليتك،احنا بس نستلم الاوراق جاهزه.
ألحين انا ماعرف مين اراجع ،
اللي بالتربيه قالو روحي لقسم التربية-رجال اسأليهم عن معاملتك،و وحده من المسؤولات قالت لي ارفعي خطاب للعميد أسأليه عن سبب رفض طلبك الأول عن طريق النظام لأن معدلك مرتفع..!
هل ممكن ارفع خطاب الآن للعميد أناقشه في سبب الرفض (الرفض جايني من رمضان بس انا ماعرفت اني اقدر ارفع خطاب الا اليوم من موظفه كلية التربية)
و هل اذا ماقدرت احول اقدر اسوي طي قيد إلى فترة التحويل القادمه،وايش بيكون وضعي خلال هالفتره !!؟؟
بليز افيدوني عارفه موضوعي قصه مأساويه: ( ،لكن انتم الخير والبركه .