حسبي الله ونعم الوكيل عليها
انا ابي اعرف وش مستفيده من هالتصرف وبعدين بعد اللي سويتي هل انتي مفتخره ومستانسه بنفسك وتحسين كانك حررتي فلسطين على هالانجاز اللي سويتي خوفي ربك ترى الدنيا وبيجيك يوم يصير لك نفس الموقف او بوحده من اهلك (( بنتك او اختك )) وهذا الوقت بتحسين باحساس البنات اللي نشرتي صور
واذا كنتي مستانسه ان محد شافك ولا عرفك وين بتروحين من الله وش موقفك من قوله تعالى (( ولا تحسبن الله غافلاًً عما يعمل الظالمون انما يوخرهم ليوم تشخص فيه الابصار )) [ إبراهيم :42]
*اذا الله سبحانه وتعالى يأمر المسلم ان يستر على اخوه المسلم وانتي تروحين تصورينهم وتنشرين صورهم وهم مالهم اي ذنب غير انهم حايين يدرسون في مكان فيه من اشكالك المرضى كثير !!!
وبعدين تدرين بعملتك هذه وش يمكن يصير انتي يمكن تخربين بيوت أو تشتتين عائله كامله او تنهين مستقبل بنت مالها ذنب
تخيلي لو ام البنت او ابوها شاف الصوره تتوقعين وش بيصير فيهم طبعا اي شيء بيصير فيهم انتي بتتحملين ذنبهم وبتحاسبين عليه يوم القيامة فاتقي الله الذي يشوفك في كل وقت وتذكرين ان راح يجي يوم توفقين بين يدينه وراح تحاسبين
وانا عندي كلام باقوله لصديقات البنت اللي صورت تراى انتم لكم نفس ذنبها حتى لو انكم ما صورتم معاها بس انتم ساكتين عن الحق والساكت عن الحق شيطان اخرس اتوقع انتم ما ترضون احد يصوركم او يصور خواتكم وشلون ترضون ان بنات الناس يتصورن وبعدين وش دراكم انها ما تتهاوش معاكم وبعدها يمكن تصوركم عادي عندها وحتى لو كانت صديقتكم هي غلطت ولازم تاخذ عقابها وانتم الشاهدات على الموضوع والامر بيدكم علموا عليها وتذكروا ان الله بيحاسبكم لانكم سكتوا عن الحق
ولازم تاخذ عقابها حتى تكون عبره لغيره من النفوس المريضه اللي تفكر تسوي نفس فعلتها.
*حسبنا الله ونعم الوكيل
اللهم استر عوراتنا وآمن روعاتنا
اللهم استر أعراض المسلمين والمسلمات ورد كيد من اراد السوء اليه