الله يسلمك حبيبتي لاشكر على واجب
بالنسبة للبلاك بورد كأنه قروب تتواصل معانا الدكتورة من خلاله يعني تنزل المحاضرات فيه والإعلانات وكل بنت يكون لها حساب خاص فيها
نقدر نحل المواجبات من خلاله ونرسله للدكتورة
الإختبارات ممكن تكون عليه وهذا اللي يخوف شوي إذا قطع النت واحنا نختبر مثلا
بس أكيد الدكتورة بتقول الكلام اللي قالته الثلاثاء الأسبوع الجاي إن شاء الله
فبنقترح عليها يكون اول اختبار تجريبي عشان نشوف المشاكل اللي ممكن تحصل وخصوصا انها تجربتنا الأولى مع البرنامج
او مثلا بدل مانختبر في البيت ممكن نختبر في معامل الحاسب في الكلية
عشان لو صارت مشكلة في النت تكون عند الكل مو عند ناس وناس ويكون عندها نسخة من الأسئلة على ورق توزعها علينا
وعلى كلام الدكتورة إيمان
انه فيه منتدى نقدر نتناقش فيه في البلاك بورد نفسه مع الدكتورة او مع اللي مسجلين هالمادة
هذا رابط البلاك بورد
والرابط اخذته من موقع الجامعة - الطلاب الحاليون - التعليم الإلكتروني
تختارين اللغة عربي على اليسار من فوق
تحملين دليل الطالب للبلاك بورد بس ما ادري شفيه مايفتح فحمليه من المرفقات كنت محملته من قبل
تحطين اسم المستخدم رقمك الجامعي وكلمة المرور نفسها كلمة مرورك في البيبل سوفت
والقي نظرة عليه بتلاقين موادك عليه بس كل شي فاضي فيها لأن محد منزل شي حاليا
وانا متحمسة اني اجربه بعد ما تكلمت الدكتورة إيمان عنه وقالت انها كانت بتستخدمه معانا في حديثة 1 بس ماكان متفعل
بس انها ما اختبرت البنات عليه لإن بعضهم كان عندهم مشاكل في النت وبعضهم ماكانوا يقدرون يدخلون عليه
بس كإيجابيات مثلا بدل ما الدكتورة تتواصل عن طريق الإيميل وايميل وصل وايميل ماوصل
وبدل ماتنزل المحاضرات في التصوير او برى الكلية و يالله انها توصل للكل تقدر الدكتورة تنزل المحاضرة واحنا نحملها