أقرا الوجيه ولاتدقق ف الافعال
ولا تكشف المستور تلقى الهوايل
بعض الرجال رجال بفعالها رجال
وبعض الرجال اشباه ما من صمايل
ماكل من يركب على الخيل خيال
البعض يركب لأجل جمع الحصايل
وما كل من يركب على الهجن جمال
الفرق واضح باختلاف الوسائل
والطيب طرقاته عسيرات الاطوال
ما يوصله الا غريب السلايل
اللي لهم في سكة المجد منزال
أنا اشهد إنه للطويلات نايل
واليوم كل بالطويلات يختال
مايسمع للهرج في قول قايل
كل لبس له ثوب واشماغ واعقال
الشكل واحد مير فرق الخصايل
وكل معه ساعه وبيجر وجوال
زودعليهن كبرت النفس شايل
اقرا الوجيه ولا تدقق في الافعال
ولا تكشف المستور تلقى الهوايل