|
رد: ابي احول من كلية اداراة اعمال الى التربيه
انا أأيد راي اخواني واخواتي
ماحد وُلِد عالم
ولا احد عرف شي من غير مايتعلمه او يخطأ فيه
أنا انقل لكم تجارب صديقاتي ومعارفي من الي درسو
* وحدة من اهلي درست تمريض في الكلية التابعة للحرس الوطني
والمواد كلها انجلش ولا حرف عربي وكانت كل يوم صياح 
وقالت بتفصل واهلها مارضو لها واحين تخرجت وبمعدل حلو
تقول بس في البداية بتحسين بصعوبة وضغط ومع الوقت بتتطورين في اللغة وفي السمستر الثاني بيصير الوضع عندك عادي
وكمان اعرف صاحباتي درسو طب بعثة للبحرين ونفس الشي كله بالانقلش فيزيا واحياء وكيميا وكل المواد يعني
وحدة منهم تقول بس ثلاث شهور وتحسين الانقليزي شي بسيط ما يبيله كل هالخوف وهالقرارات الي انتو بتتخذونها من ايقاف قيد او فصل او تحويل
فإذا انتي حابة القسم نصيحة مني لا تحولين عشان الانقلش
وانتظري لين نهاية السنة وشوفي المعدل يمكن تتجاوزين السنة التحضيرية بمعدل حلو فعندك خيارين اما تكملين او تحولين واما اذا ما جيبتي المعدل المطلوب فهم بيحولونك دايركت
بس نصيحة مني ومن الي نصحوني: لا تستهينون بالمادة ، عشان تكون سهلة ومقبولة لازم تذاكرونها اول بأول
يعني احنا من حضنا بس عندنا مادة انقلش ، صاحباتي كانو على طول يدرسون المواد العلمية وغيرها بالانقلش وهم ماعندهم لغة واجتازو السنوات وبمعدل حلو ولله الحمد
بس كله يبيله جهد واهتمام بالمادة
اتمنى اني افدتكم
تحياتي
|