السلام عليكم
اخواني واخواتي الاعزاء
اختي معلمة وراحت اليوم الى مركز التدريب والابتعاث عشان تاخذ موافقة لاكمال الدراسة عشان اجازة الاختبارات
الحمد لله الموظفة بشرتها انه لها اجازة حتى لو الاختبار مسائي وقالت لها تطمني بتجيك الموافقة
لكن مطلوب منك بعض الاوراق
1-صورة اخر مؤهل ...هذي سهلة
2-صورة من البطاقة ...وهذي بعد مقدور عليها
3-تعريف من الجامعة ...هذا موجود بالخدمات
4- خطاب يفيد ان الجامعة معتمدة بالخدمة المدنية !!!
طبعا اختي انصدمت وقالت لها :الجامعة حكومية ومعتمدة بالتعليم العالي !!
قالت لها مايهم التعليم العالي الاهم الخدمة المدنية عشان الاعتراف بالشهادة !!
واخذ الموافقة ومنح اجازة اختبارات
وقالت لها :شوفي انا عندي اعتماد جامعة الامام لكن فيصل ماعندي اي اعتمادات
قالت لها اختي :اكييد معتمدة لان فيه موظفين ترقوا عليها
تقول ضحكت علي وقالت :يابنت الحلال افهمي مو كل الوزارات مثل بعض يعني وزارة الدفاع مو مثل وزارة التربية والتعليم كل وزارة لها اعتماداتها
قالت اختي:من وين اجيبه ؟؟
قالت لها :اسألي الجامعة
طبعا اختي سألتها شلون بتكون صيغته قالت لها ورقة تكون مختومة من الجامعة ومكتوب فيها انها معتمدة من الخدمة المدنية !!
وقمت احوس بالخدمات الطلابية مالقيت الا التعريف لكن الاعتماد مالقيته
اللحين سؤالنا من وين نجيبه ؟
وين نروح بالضبط ؟
اللي عنده خبرة يفيدنا عشان اختي تقرر اذا مالقت الاعتماد تسجل بجامعة الامام وتنسحب من هنا