صباح الخير ، يسعد ايامكم بَ رضى الرحمن .. حابه احكي عن إلا صار الصبح ..


اليوم صبح اقول لاختي بلسم له داعي اجي معاكم ! قالت لي قسم سخيفه كل يوم تقولين اجي و اجي و ماتجين نامي احسن > عشان سبتني سخيفه قلت مابطلع وطنشتها
دخلت اختي ثانيه بسمه تقولي يلا قومي الان بنطلع جاتني ضحكه وقتها قلت اطلعو ماني جايه ما امداها تطلع إلا قمت نطيت وراها قلت انتظروني جايه
مسكينه بلسم فرحت قالت يلا بسرعه بتاخر عشان تلبسين ههههه > فديت قلب اخت السخيفه هههه احبها



لما طلعت سياره صرت اسولف مع بسمه قامت بلسم تقول اشوف صوتك ملعلع ! > تقصد ع بسمه
قلت ليش انتو ماتسولفون ! قالت بسمه نقعد ساكتين ماحد له خلق يسولف صبح > ههههههه اجل طلع خلقك معي
بعدها اخوي إلا بالمتوسطه شغل الراديو ع الاغاني وانا مايكسر راسي إلا الاغاني قلت له الله يهديك صبح ناس تقول يالله وانت اغاني تطفيه حرام وهو يعند زياده
لما قفلت معي الهداوه والطيب ماتنفع مع هالولد عصبني قالي " العريفي لاتجي معنا بكرا " سكتت ماعندي رد



لماا خلص اخوي وصلهم لمدارسهم و راجع للبيت قلت امانه وديني الواجهه ! ضحك قالي مجنونه انتي ! قلت له اول مره اطلع الصبح معك
امانه وديني اشوف البحر ضحك ومشى والله اني استغربت بس قلت الاخ مرووق ربي يحفظه دوم
وداني جزيرة المرجان
والله ما اوصف لكم كيف منظر البحر مع وقت صبح مع ريحة اليود إلا ترد الروح > اخذت شهيق الان اتذكر الريحه هههههه
ترجيته رجا يخليني انزل امشي شوي قالي عطيتك وجه بزياده احترمت نفسي وسكتت
المهم صورت بس يمكن التصوير مو واضح بجوال اخوي ..



http://im12.gulfup.com/2012-09-09/1347179658941.jpg

مااش تصوير التورش ،،




http://im12.gulfup.com/2012-09-09/1347179658652.jpg

و هنا عجبني منظر اشعه الشمس كأنه ترتر ع البحر وهي تلمع ..





http://im12.gulfup.com/2012-09-09/1347179658463.jpg

و هنا بسه مع عيالها توهم مولودين ياحليلهم > اكيد طلعتهم يتشمسون وياخذو فتيامين D




وبس بعدها راح اخذ له فطور > وانا صايمه الحمد لله هذا اخر يوم لي و اكون كملت صيام الست من شوال
اول مادخلنا البيت قالي ياويلك تكلمين حد و تقولين طلعتك < ههههه ..


وبس انبسطت ع هالطلعه الصباحيه القصيره
كتبت كثثيرر