2012- 9- 9
|
#2
|
مميز في قسم علم أجتماع المستوى 8
|
رد: نزلت المواد هل من تعريف للمدربين ..!!
اقتباس:
المشاركة الأصلية كتبت بواسطة ابو حصه
المواد نزلت ونزل معها اسامي المدربين
النحو التطبيقي (1) - طلاب مدرب : جزاء المصاروه
الدكتور جزاء شرحه كويس بس يبيلك تركز معاه وتتابع المحاضرات أول بأول لأن المادة يبيلها فهم واهو بنهاية السمستر ينزل ملخص اسألته مابين السهل والمتوسط وشوي صعب
مبادىء الإدارة - طلاب مدرب : نذير حاج عليان
الدكتور نذير خوفونا منه بعض الطلاب الله يهديهم وزادنا خوف انه طلب مننا كتاب عدد صفحاته تتجاوز 500 صفحة ولكن يوم جاء الاختبار ماجاب من الكتاب شي كله من المحتوى والشرح وكانت اسألته واضحة مافيها غموض بس يبيلك تقرأ المادة أكثر من مرة .
مدخل الى تقنية المعلومات - طلاب مدرب : محمد العنزي
هالمادة سهلة جداً للي ماخذ دورات عن الحاسب أو فاهم بالحاسب لانها تتكلم عن أساسيات الحاسب ومكونات الحاسب والفيروسات أشياء أساسية مافيها تفاصيل والدكتور أسألته سهلة
التحرير العربي - طلاب مدرب : عبدالعزيز سعود عبدالعزيز الحليبي
المادة يبيلها فهم وفيها غزارة يبيلك أول بأول فيها السهل وفيها المتوسط والصعب ولكن متى مافهمتها تراك راح تبدع في الاختبار طبعاً كان المنهج متغير عن السمستر الماضي وكانت تواجهنا صعوبة لأننا لم نفهم طريقة الاسئلة وانتم أكيد نفس منهجنا وراح تشوفون طريقة اسئلته ويمكن راح يكررها لكم .
اللغة الإنجليزية العامة - طلاب مدرب : عمار المعاني
مادة سهلة للي فاهم انجليزي او يحب الإنجليزي والدكتور ممتاز وأسئلته واضحة حتى انه جابلنا قطعتين من داخل المحتوى يعني مافيه أسهل من كذا وكل قطعة عليها 10 درجات وباقي الدرجات موزعة على القواعد والكلمات ومعانيها بالانقلش
مهارات التعلم والتفكير - طلاب مدرب : عبدالحميد احمد عبدالرحمن النعيم
هالدكتور ممتاز جداً تدخل جو مع شرحه يبحر بك في عالم الإبداع تحس انك طالب علم الدكتور مايهمه غزارة المنهج وكثرة صفحاته بقدر مايهمه هو انك تفهم وتحصل على المعلومة هذا هو هدفه حتى المنهج كاملاً لا يتعدى 25 صفحة وانا حبيت المادة وجبت فيها درجات حلوة ولله الحمد وبعد ماطلعت من الاختبار وشفت اسئلة السمستر الماضي تفاجأت بأنها طبق الأصل
العقيدة الإسلامية والمذاهب - طلاب مدرب : محمد القطاونة
الدكتور أسئلته تقريباً شاملة للمنهج يعني كل محاضرة يجيب منها سؤال على الأقل وفيه أسئلة مكررة من أسئلة العام
الصحة واللياقة - طلاب مدرب : عبدالحكيم المطر
الدكتور شرحه ممتاز ولكن المنهج كثير يبيلك أول بأول وفيه معادلات ولكنها بسيطة ويجيبلك نفس الأرقام يعني احفظ لا تفهم هذا بالنسبة لأسئلتنا يمكن يغير طريقته وفي المحاضرة المباشرة قالنا انه اكتشف ان الأسئلة تسربت يقصد اسئلة السمستر الماضي وماراح اجيب مثلها راح أغيرها وهو فعلاً كان عند كلمته ولكن غير طريقة السؤال فقط وإلا نفسها بالضبط
الي يعرفهم ياليت يقول وش سالفة كل دكتور وهل كان المستوى الي فات موجود ؟ ووين نحصل ملخصاتهم ؟
|
المحتويات موجودة عندي بس ما ابى أنزلهم لين أتأكد من المنهج تغير والا لا أرسلي محتوى أول محاضرة من كل مادة وأطابقها
وأبشر بالسعد
بالتوفيق للجميع
ادخل الموضوع هذا فيه أيضاً نبذه عن المواد
http://www.ckfu.org/vb/t364834.html
|
التعديل الأخير تم بواسطة الفيـصل ; 2012- 9- 9 الساعة 01:11 PM
|
|
|