تشوفون الحمامه المرتزه بذا الصوره وشسسسسسمه ! اليوم طلعنا مع ابوي المزرعه وبينما نحن نهجول في الانحاء الا اسمع صرخة اخوي الحساس << طبعاً اخوي الحساس = فواز الصغير = الانسان اللي سوالفه تعجبني المهم نكمل ونسسسسمع صراخه يتعالى اكثر واكثر وتعالوا شوفوا ومدري وش انا طنشت وكملت طريقي وقعدت اتمرجح << اتذكر الطفوله بعد كيفي المهم بعد شوي جاني الحساس وقال: لالي بسررررعه فيه مكسرات ! انا ناظرته اعرفه مايحب المكسرات قال : بسرررعه جيبي انقذي العصفور مايقدر يمشي لازم اطعمه انا تنحت : قلت وش عصفوره وش سالفته جا سحبني من يدي << طبعاً هذي حركته اذا كان متحمس وعجزت توصل المعلومه بدمجة الشخص اللي يشرح له واروح واشوف ذي الحمامه الصراحه ان كل انواع الحوانات ماتعجبني واخاف منها ومدري شلون كنت احب حديقة الحيوانات ايام المبزره بس عاد الشكوى لله المهم ان العصفور << على قولة الحساس المشكله كبر راسي يقولها عصفور من وين اصرفها ذي عاد انا رحمتها قسسسسسم مسكتني العبره الحمامه المسكينه ذي ماتقدر تطير ماغير تمشي وجبنا لها انواع الاكل ماكلت شي المهم ان كل البيت حول ذا المسكينه رحمتها قسسسسسسسسسم لا عاد امي شخصصت حالتها وخلصت ! عاد امي متعقده من اختي منار دايم مانروح مطعم والا ناكل اكل من برى الا يجيها تسمم ! معدتها حساسه ؛ مدري وش اسوي مع ذا البيت الحساس المهم ان امي من كثرماهي متعقده سألت مناروش تتوقعون بذا الحمامه قالت امي اكيد متسممه << لا ياشيخه المهم ان للحين ماسيرتنا الا ذا الحمامه ! خصوصاً بعد ما اختفت عن انظارنا مدري شلون انا اقول شكلها تلعب علينا