|
داخل قاعة الاختبارات.... الموضوع للطلاب ... ممنوع دخول الطالبات
الســـــــــــــــلام عــــلـــيـــكم
يوم السبت الموافق 8 صفر 1431هـ ان شاء الله اول يوم اختبارات للمادتين (لغة انجليزية + التحرير العربي) لا تنسون اللي اتفقنا عليه :
1 - بطاقة الاحوال (الهوية المدنية) مو تصورها وتغلفها والاصل بمحطة البنزين
2 - شهادة التعريف لا تعفطها خمسين عفطه خليها على طبيعتها وحطها بظرف
3 - قلم رصاص جديد ما يكون مكسور وتتوهق , براية ام مراية تحل الازمة جيبها معك
4 - قلم ازرق لزوم التوقيع او كتابة اسمك
5 - محايه جديدة او نص عمر ما راح نختلف
6 - الساعة 3 حكم عند باب القاعة او الفصل
7 - وقف سيارتك بمواقف صح حتى لو بعيد عن مقر الاختبار مو تقفل على خلق الله ويسحبها الونش
8 - قبل الاختبار لا تاكل كثير او تشرب كثير (مشروب غازي)لان وقت الاختبار تعرفون الاعراض النفسية وتوابعها
9 - اول ما تدخل القاعة بدون دفاشه او دوشه وتسحيب كراسي ونفض الطاولة بالشماغ
10 - قفل جوالك وحط البطارية بالدرج لا تزعجون خلق الله
11 - لا تحرج زميلك اللي جنبك كل شوي تأشر له وتصفر وتحرك اصابعك يعني ارسل الحل يا الذيب
خلونا هادييين وقت الاختبار ونصيحة قبل الاختبار بدقايق لا تقرأ شي من المادة عشان ما تلخبط الذاكرة
قولوا آمين ربي يوفقنا بالامتحانات وييسر امورنا ..
دمتم بخير 
|