ملتقى طلاب وطالبات جامعة الملك فيصل,جامعة الدمام - عرض مشاركة واحدة

زحلط · 2012- 9- 12

اقتباس:

المشاركة الأصلية كتبت بواسطة نقطة حمرة

ههههههههه تسلم

اهم شي الاسئلة خفاف وردك على سوال الاول جميييل
اجل كوبين كوفي وصداع الله يعينك ههههه

شكل همسسسة بتعفي عنك وتستلم ضيف جديد

اهم شي مااكووون انا

تحياتي : نقطة حمرة

تسلمي ذا من لطفك

لا الله يبعد عنك تكوني انتى >> جرب المعاناه

اقتباس:

المشاركة الأصلية كتبت بواسطة نقطة حمرة

وتكملة على سوااال همسسة

انت تكتب شعرر عطنا بيت على الاقل من اللي كتبتة حاليااا
واذا ماعندك عطنا اكثر بيت اعجبك او اثر فيك وتحب تقرااه كثير

الابيات اللي احب اقراها كثير ,
بس حالياً أكثر قصيده أعجبتني لابن فطيس وفيها كم بيت زاد اعجابي فيها لونتها

وحبيت اختم فيها الأستضافه

ليه المساء عـوق الشقـاوي وطبّـه؟
وليه الهبوب تصحي القلب لا بـات؟

وليه القمر يدعـي جريـح المحبّـه؟
ويقول له يا هيه..ما فات ..ما مـات

جرحك ظهر لو قلـت للوجـه خبّـه
وللحزن في ضحكك رسوم وعلامات

وليه المطر بالذات ريحـه.. وصبّـه
كنّه رسول بيـن الاحبـاب بالـذات؟

اشتـاق فـيـه *لشوفـتـك* واتنـبّـه
للي نسيتـه مـن مواقـف ونظـرات

لا استانس الخافق ذكـر مـن يحبّـه
ورجع يراجع فالوناسـات مـآ فـات

يا مرتـع القلـب الحزيـن ومربّـه
يزيين بك مثل الذهب صدر الابيـات

هيهات ينسى القلب شخـص ٍ لعبّـه
وهيات يدله خاطـري منـك هيهـات

سبك مديـح .. ومـدح غيـرك مسبّـه
تقول واذني صوتها تقول لـك هـات

ونبع الغـلا عنـدك وعنـدي مصبّـه
ومن الولا .. في خافقي لك ..ولاياات

وطيفك حطب عيني..وعينـي مشبّـه
والشوق برد ٍ ما انقطع لو للحظـات

ومكانك الصدر ولـك القلـب شبّـه
بين الضلوع اللـي فردهـا التنهـات

ولـك بيـرق ٍ فالقلـب حبـك يهبّـه
شامخ ولا هزه مـن العـذل غـارات

محبتـك فالوقـت ذا مــا تشـبّـه
الا بخيمـة بـدو بيـن العـمـارات

ان شفتني ضايق واهوجـس واسبّـه
اخاف غدر الوقت.. والوقـت دورات

لا تحسب ان دمعي نـزل دون سبّـه
ابكي من الفرقا وهـي مابعـد جـات

الـيـوم كــل امورنا..مستـتـبّـه
وبكره ماندري وش معه من مسـرّات

اربّ قلبـك مـثـل قلـبـي اربّــه
ما يخلفه كثـر العـذل.. والمسافـات

في الختام لا نقول وداعاً ولاكن نقول الى اللقاء في حلقتن جديدتن من زحلط في ورطه

احم احم

شكراً لصاحب الفكره ومن شارك معنا بالموضوع سواء بالاسئله

او كان ضيف خفيف أسعدنا بتواجده معنا او كان متصفح بيننا ,,, أتمنى كنت ضيف خفيف على قلوبكم ,
من أجمل الاسابيع اللي قضيتها في المنتدى كل الأمنيات لكم بحياه تملؤها رضى الرحمن , وسعاده لا متناهيه أترككم في حفظ الله ورعايته ...

أخوكم الصغير زحلط كآن سعيد بينكم هوووووووووووووونا