في كل مكان فيه الزين وفيه الشين ،، وما في فرق بين السعودي والاجنبي كل واحده ورقابته الذاتية على نفسه بس انا عندي اذا كان اجنبي احسن خصوصا اذا كان فلبيني أو اندونسي تحسينهم يخافون يقزون البنات والسبب يمكن لانهم يعرفون ان اذا قزوا يمكن البنت تشتكي عليهم وبعدين يتحاسبون او لانهم يعرفون ان في المجتمع السعودي عيب يطالعون الحرمة ومن هالكلام علشان كذا تلقينهم محترمين اما السعودي ماراح يخاف من هالشيء لان ابن البلد وعارف انه اذا قز في البنات ما راح يصيرله شيء هذا اذا يقز بس اذكر اول مره ركبت فيها الباص كان الظهر وعقبها لما ركبت الباص سالني وين ساكنه ودليته على بيتنا والله ان كل شوي يعدل بالمرايا ويطالع يا اما فيني او في البنات و اخر سي نادي البنت اللي جنبي باسمها وقال لها اسالي البنت الجديدة اللي جالسه جنبك وين بيتها بالنسبه لبيتك لانها هي ساكنه بنفس الحي اللي انا ساكنه فيه والله اني خفت منه وش دراه اني جالسة جنبها !!! وشلون عرف البنت ونادها باسمها مع العلم اني كنت جالسه بوسط الباص وانا والحمدلله عبايتي ساتره والبس نقاب واحط فوقه غطوه
انا مو ضد توظيف السعوديين بل العكس انا مع واشجع هذا الشيء وابن البلد احسنًمن غيره بس بصراحة في بعضهم مو كفو ولا هم قد المسؤولية
^ امابالنسبه للي حطو لهم سواق مصري الله يعينكم عليه ولا تعطونه وجهة هذا شكله قليل ادب