المشاركة الأصلية كتبت بواسطة abotamim

وعليكم السلام ورحمة الله وبركاته


ماشاءالله عليك يابو اسيل طيب حلو الان سويت كل شي مطلوب منك لكن اهم شي المداومه وعدم التخاذل

ليكن بس اول او ثاني او ثالث محاضره وبعدبن تمل وتطق كبدك وتطنش

لاتخاف الاختبارات جدآ سهله تحتاج بس مذاكره وتركيز بسيط اهم شي اتكل على الله وكل ماكان عندك

فرصه او وقت مذاكره ذاكر ولاتضيع ولا درجه من اعمال السنه

ومن ناحية المعدل ان شاءالله بتجيب الي تتمنى وزياده

بعطيك معلومه انا حصلت على معدل 2.89 مع اني حامل مادة المحاسبه معي لان اختبرتها بدون مذاكره

وحملتها وكان عندي نقص 9 درجات فقط علشان النجاح يعني لو انا مذكره يوم الاختبار الظهر او العصر كان

ممكن بتوفيق الله نجحت

مع العلم ان كل اعمال السنه بجميع المواد كامله وهذا بعد توفيق الله هو الي خلاني اعدي وانجح

ونزل لي بالترم الثاني 18 ساعه يعني بأمكاني اخذ النسبه الاعلى بالساعات

وللمعلوميه ماذكرت جميع المواد الي قبل الاختبار بايام معدوده ماتتجاز اصابع يدك كان كله متابعه بالملتقى

وماشريت اي كتاب وماطبعت الا اشياء بسيطه ادور اقل ملخص مع المحتوى فقط واطبعه

محاضرات ماتبعت ابد بس احمل واحذف بس ابي درجة اعمال السنه الواجب والمناقشه كلها نسخ ولصق

والان بالمستوى الثاني المبلغ ماسددت ومافتحت المواد بس سويت جدولي فقط اخذت اربع مواد مع مادة المحاسبه

وسويت تحديد موقع الاختبار

اخوي ابو اسيل هونها وتهون وكبرها تكبر

وسع صدرك وريح بالك وزع مجهودك للترم كامل لاتندفع بالبدايه وبالنهايه تتخاذل وتقدم اعتذار

الترم الي فات كان كثير من الطالبات والطلبه بالبدايه مندفعين واخر شهر صار عندهم خوف ورهبه وتعب

وانسحبو من الترم وهذا من سببه عدم توزيع النشاط الذهني

اتمنى لك التوفيق من الله وفالك a