ملتقى طلاب وطالبات جامعة الملك فيصل,جامعة الدمام - عرض مشاركة واحدة - جميع التخصصات الي محتاج مواصلات من القطيف ومدن المجاورة لها لكلية تربية

ام حبيب · 2012- 9- 14

اقتباس:

المشاركة الأصلية كتبت بواسطة saeed

السلام عليكم

ملاحظة صغيرة

الرجال يسترزق من ورا هادي الشغله زماتوقع انه كان يقصد بكلامه انه يحط نفسه رئيس او صاحب مجموعة التاج

لانه يقصد المسؤل عن الي في الجبيل هادا التفسير افضل من انه احد يتهم او يقول كلام يمكن مو صحيح

ومحمد غانم ونعيم التاروتي اصحاب يعني مافي فرق لو قال صاحب مجموعة او شي كدا

والمفروض منكم يا اهل البلد تساعدو الرجال يوقف على رجله مو تكسرو مجاديفه صح ولا انا غلطان

ع العموم الله يوفق الجميع

وماحد ياخد الي رزقه

وقطع الاعناق ولا قطع الارزاق .................صح....؟

كلام جميل ورائع من اخي سعيد ويعجبني تعاونكم مع بعض ودفاعك عن الاخ محمد الغانم وهذا دليل على اهتمامك
ولكن اتمنى ان يكون ذلك حقيقيا وليس كلام في المنتدى فقط فلو تعاون جميع السائقين مع بعضهم البعض لما كنا نعاني من عدم توفير باصات للساعه 4 فاحيانا نكون 3 طالبات فقط من منطقه القطيف ولا اريد ذكر اسماء للمجموعات وتكون طالبه او طالبتين من نفس المنطقه لماذا لا يكون باص واحد فقط ياخذ الخمس او سبع طالبات وهم في نفس المنطقة؟؟؟
بالرغم من ان البنات صديقات مع بعضهم او احيانا تكون معنا في نفس المحاضره ومنطقتهم قريبة من منطقتنا
احيانا يتأخر الباص علينا قليلا لكن صاحب المجموعة لا يريد ان اركب مع مجموعة اخرى بالرغم من وجود اكثر من 5 كراسي فاضية فماذا تسمي ذلك ؟؟؟؟؟

اتمنى ان يقوم جميع السائقين بحل هذه المشاكل البسيطة بدلا من دفاعك المستميت ضد اي احد
والله يرزقك يا محمد الغانم من اوسع ابوابه يا كريم واني اتمنى لك ولكل زملائك بالخير
والله لا يفرق بينك وبين صاحب مجموعتك بس بعد اقول للاخ سعيد انت جالس تفسر كلامه وتقول يمكن ما يقصد ؟؟؟ ويمكن يقصد انه مسؤول عن المجموعة اللي في الجبيل ؟؟
هو صاحب الموضوع ما ابدى رأيه إلا اذا كان انت الوكيل والمتحدث الرسمي عنه هذا شي ثاني
فأي احد يقرأ الموضوع يحكم على ان محمد الغانم هو صاحب المجموعة واني ما جبت كلام من عندي فالرجاء إعاده قراءه رأس الموضوع لتفهم ما كتب ولا داعي لأن تفسر وتقول يمكن يقصد .... او يمكن ما يقصد ....
فلو ان اي احد من الطالبات او الطلاب يعمل بحث ومعه مجموعه من زملائه وهو من قام بكتابه البحث وجلب المصادر وتلخيص بعض المراجع ولما حاز على جائزه يقوم احد الزملاء وينسب البحث له فهذا عمل غير لائق لان زملائه الآخرين يعلمون ان من تعب عليه هو فلان فينسب مجهوده لغيره
وهذا ما حصل للأخ محمد الغانم ... عموما اتمنى له الخير واتمنى ايضا ان يشارك في موضوعه اللذي وضعه ولم نجد منه اي تعليق

اختي في كلية الدمام تقول سواقهم يدق عليهم ويقول لهم اركبي ويا المجموعه الفلانية مو بس مجموعتهم كل المجموعات متعاونه كل مجموعة تركب طالبات من المجموعات الثانية وانتو في الجبيل اللهم يا كافي يا سواقين ذيك اليوم متعطل علينا الباص كل مجموعات القطيف مرو علينا ولا كان واحد من القطيف اللي متعطل
تخيلو وقف لينا باص باكستاني وهندي وساعدسواقنا
وين اللي تتكلم عنه يا اخي سعيد من تعاون وهذا رزقكم إذا انتو ما تساعتو مع بعض فمتى راح تتساعدو يا سواقين القطيف؟؟؟؟؟

واتمنى ايضا ان لا ينطبق عليكم المثل القائل (السمك الكبير ياكل السمك الصغير) فتعاونكم مع بعض سيحل جميع المشاكل وخصوصا للمبتدأين من اصحاب الباصات صح ولا اني غلطانه؟؟؟
والله يوفق الجميع يا رب