السلام عليكم ورحمة الله وبركاته
حابه اتكلم عن موضوع حصل يوم الاثنين في كلية الغد بجده في فرع البنات
كان المفروض يوم الاثنين نسجل المواد بس اتفاجأنا بأن ماينفع تتسجل المواد الا اذا دفعنا الرسوم كامله ودفعه وحده كاش
بمعنى الطالبات الي على حسابهم يدفعو 27,500
والطالبات الي على المنحه يدفعو نص رسوم الترم الاول 13,750
طبعا جميع الطالبات رفضو لان المبلغ كبير وصعب توفيره في يوم وليله
ولان العقد كان ينص على ان 5000 التسجيل غير مسترده وباقي الرسوم بالتقسيط
وان طالبات المنح ماعليهم اي مدفوعات
طلبنا نتكلم مع العميده ورفضت
و ارسلو لنا موظفه من موظفات الامن و موظفه من الشؤون يبلغونا بأن القرار دا صادر من الزويد ( مالك الكليه )
وانه اذا عندنا اي اعتراض نرسل ايميل وشكوى او نتصل على الاداره في الرياض
اتصلنا وكان الرقم مفصول كالعاده
في نفس الوقت خرجت مجموعه كبيره من البنات وراحو لفرع البنين لمقابلة العميد
ووافق يقابلهم
وكتب كل مطالبهم
وقال بانه يوم الثلاثاء عنده اجتماع مع الزويد و سيتم مناقشه الموضوع و الرد حيكون عن طريق وحده من الطالبات الي لها صلة ببقيه الطالبات
واليوم الجمعه
مافي اي رد من الزويد و قسم المحاسبه في الكليه تقول مابيدها شي غير اننا ندفع
انا لاحظت الموضوع دا محد اتكلم فيه
وواضح ان القرار نزل فقط على فرع جده
حابه اعرف رأيكم!!
و ادا عندكم اي حل!!
طالبات كتير تركو جامعاتهم الحكوميه وسحبو ملفاتهم سحب نهائي عشان يسجلو في الغد و هادي نهايتها
وطالبات كتير جايين من مناطق اخرى وبعد التسجيل واستلام البطائق الجامعيه واختبار تحديد مستوى الانجليزي نتفاجأ بقرار زي دا!!!!!!!
ليش ماكان مكتوب في العقد؟ والقرار صادر من شهر 8 ومحد بلغنا بشي