اختلفت الأراء وهذا شي طبيعي
لكن الظلم ظلمات يوم القيامه
وكل مكان فيه الصالح والطالح
طبيعي بتلقون الهاديه-المحترمه-الكسوله-المتعاونه-المغروره-المتكبره
كل الأصناف من الموظفات بتشوفونهم بهالمكان
مثل المدرسه وبنات الكليه وغيرها
بس حظ البنت على مين تطيح عنده
والموقف بروحه يفسر لك اشياء كثيره
مثل القبول والتسجيل لهم العذر صراحه بس ليت يكونون من الصابرات
ومثل الأمن صار لي موقف معهم هذيك السنه مالهم عذر والموقف بروحه تافهه
انفجرت فيهم لأن شفت الظلم والتفرقه لو ماتكلمت وواجهتها كان ماقدرت اخذ حقي
لدرجة مسؤلة الأمن استحت من تصرف اللي معها
حنا صح نعذرهم بسبب الضغط وغيره لكن فيه أشياء يسونها ماله داعي عيب حنا كبار
هنا لاتلومون البنت لو سوت ولا قالت شي
لكن كل بنت انصحها تحترم نفسها قبل ولو واجهت أشياء لازم تصبر وتتحمل
مافيه شي يجيك بسهوله لازم بيصير لك موقف يقهر-يضحكك-تافه-يعصبك
بكره انتي بتتخرجين وتدرسين بتشوفين البنت المؤدبه والبنت المستهتره والقليلة ادب
هنا لازم تتصرفين بوعي وحكمه وصبر
والمشكله يابنات مومنهم نظام جامعتنا وكليتنا فاشل قولو لي كم بنت بس تخرجت بربع سنوات؟
نظام الجامعات عندنا يحتاج لدراسه من جديد الدول الثانيه كل مال تعليمهم يطور وحنا ينزل
واحنا الضحيه
فكل وحده تصبر وتدعي الله يوفقها