|
رد: دودي طريقتك بالمذاكرة وأسلوبك بالدراسة
-
عليكم السلام ورحمة الله وبركاته ،
تمآم ، آنتِ شخبارتس ؟
طريقتي يَ طويله العممممر ،
مَ احب اذاكر الا والمحتوى بيدي ، عشان لو مثلاً الدكتور قال مهم ، احط ( مهم )
وفيه بعض الدكاتره ، وهو يشرح يقول / وهذا ممكن يكون موضع سؤال ويعطينآ سؤال
وهالشي يساعدتس فِ انتس تعرفين طريقه الدكتور والنقاط اللي يركز عليها ،
اقتباس:
|
تحملين المحاضرة او تشاهدينها ؟؟
|
لآ احملها ، لآن موقع الجامعه والنت فِ البيت مَ ينضمنون !
يعني تخيلي مثلاً ودتس تذاكرين الا الموقع معلق !
ولا تبين تذاكرين و النت طافي عندكم ؟
اقتباس:
|
هل تخصصين يوم لمذاكرتك ؟؟ ولا كيف ؟؟
|
على حسب عدد المواد اللي انا ماخذتها ،
الترم اللي راح كنت ماخذه ست مواد ، فِ مافي ضغط كثير وثلاث ايام كذا تكفي ،
اما هالترم ماخذه ثمان مواد ، ومفكره اذاكر كل يوم محاضره بس ،
اقتباس:
|
المناقشه والواجبات نسخ ولصق ؟؟ ولا وش السالفه ؟؟
|
آيي ، طول وقت دراستي نسخ لصق بس هالترم غير ، الغو النسخ واللصق
الله يعينآ ع الكتابه 
اقتباس:
بعد سؤال ف بالي .. من وين أجيب الملخصات و أطبعها ؟؟
هل أعتمد ع اللي يقدمونه لنا الطلاب القدامى من ملخصات ؟؟
|
والله شوفي يَ حبي لتس ، انا من اول دفعه ،
وماعندي ملخصات من طلاب ولا عندي اسئله اعوام سابقه
لان مافي احد قبلي ، فِ انا اعتمد على نفسي في تجهيز ملزمتي
تشوفيني كل اسبوع اطبع المحاضره واخر الترم اسويها سلك ،
لكن انتي تقدرين تعتمدين على الملازم هنآ بعد ماتتأكدين ان الدكتور والمحتوى م تغيرو ،
اقتباس:
منتديات الحوار فتحت الحين لقيت موضوع النقاش 1 وكل المشاركات نفسها .. نسخت بس ما ينسخ معاي وش اسوي ؟؟
أبي اعرف كلللل شيء بأسلوبك الجميل أكيد
|
يب الحين مسوين حاجه تمنعنآ من النسخ ، عادي اكتبي اي شي من وجهة نظرك لان المناقشات ماتعتمد على صحه الاجابه ، بس اهم شي تناقشين
اقتباس:
تاايهين يا دودي ساعدينا لا هنتي
أدري والله غثيناك بالاسئلة لكن لسا صغار تحملينا
|
مافيه لا غثى ولا شي ، اي شي فِ بالتس بس قوليه
الله يوفقكم 
|